رنمایێن وەزارەتا ئەوقاف و کاروبارێن ئاینی بۆ مەھا رەمەزانا پیرۆز

0
رنمایێن وەزارەتا ئەوقاف و کاروبارێن ئاینی بۆ مەھا رەمەزانا پیرۆز
رنمایێن وەزارەتا ئەوقاف و کاروبارێن ئاینی بۆ مەھا رەمەزانا پیرۆز
کوردپورتال، نەوزاد زادە ھلۆری:
ب ھەلکەفتا ھاتنا ھەڤا رەمەزانا پیرۆز وەزارەتا ئەوقاف و کاروبارێن ئاینی ئەڤرۆ ٩/٧ چەند رێنمایەکا بەلاڤ دکەت د ھەردوو وارێن ئیداری و شەرعی دا کو د پشکا ئیداریدا ھاتیە : ( ل بەر رێز و حورمەتا مەھا رەمەزانێ وەزارەتا ئەوقافێ ب پێدڤی د زانیت کو نابیت ھیچ خوارنگەە و گازینویەک بێ مولەتا یەکا ئیداریا دەڤەرێ بھێتەڤەکرن و پشتی مولەتێ ژی دڤێت بھێتە پەردەکرن و نابیت ل دام و دەزگەھێن حکومەتێ خوارن و ڤەخوارن بھێتە پێشکێشکرن و دناڤ ھەموو بازاران دا نابیت خوارن و ڤەخوارن ب ئاشکرایی بھێتەخوارن ، دیسان دڤێت سەرجەم جھێن فروتنا مەیی ب ھەموو جورێن خوڤە بھێتە قەدەغەکرن د مەھا رەمەزانێ دا و نابیت ھیچ دەزگەھەکێ راگەھاندنێ تشتەکێ بەلاڤ بکەت کو د گەل ڤێ ھەیڤی َنەگونجیت )
وەزارەتا ئەوقافێ داخوازێ ل جھێن پەیوەندیدار دکەت کو ئەڤان رێنمایان گرنگ وەربگرن و دووڤچوون بۆ بھێتەکرن و تێدا زێدەتر ھاتیە : ( رێنمایێن تایبەت بۆ ماموستا و مزگەفتێن ئەوقافێ دەرچوویە کو پێدڤی یە ھەڤکاربن ب ناڤەروکا ڤان رێنمایان و ھەر رێورسمەکا تایبەت ب رەمەزانێ ڤە ل ھەموو پارێزگەە و قەزا و ناحیێن نوێنەرێن وەزارەتێ یان رێڤەبەریێن ئەوقافێ بەشدارببن و ئەڤ رێنمایێن سەری ھاتینە پەسەندکرن و پێدڤی یە گرنگی پێ بھێتەدان)
ژلایەکێ دن یێ رێنمایێن وەزارەتا ئەوقاف و کاروبارێن ئاینی دا ھاتیە ژی کو دڤێت پاپەندی ب ئیمساکا ئەوقافێ وەکو ھەموو سالان بھێتەکرن و زێدەتر ھاتیە : ( وتارێن پشتی نڤێژا ئێڤاری دمفادارن و پێدڤی یە بو مفا وەرگرتنا ووەلاتیان گرنگی پێ بھێتەدان و دڤێت د نڤێژ و تەراویحان دا بتنی َمایکروفونا ناڤ مزگەفتێ بھێتەبکارئینان ژ بلی نڤێژا رۆژا ئەینیێ ، دیسان کەبارە و پێش فتارە ل شەڤێن رەمەزانێ د دەمێ دیارکری دابیت ، ھەردیسا پشتی ٢٠ رۆژا ل رەمەزانێ رێک دھێتەدان شەڤا لەیلەتولقەدر بھێتە زێندیکرن و نابیت ژ بلی ئیمامێ مزگەفتێ کەسەک پێش نڤێژ و خوتبیا بدەن ئەگەر پێدڤی نەبیت و مولود و زیکر کارەکێ پیرۆزە و پەیوەندیا ب خەلکێ د ناڤ مزگەفتێ دا یا ھەیی و پێدڤی ناکەت بلند گو ” سەماعە ” بھێتەبکارئینان و بەلاڤکرنا رێنمایێن پیرۆز بو ووەلاتیان بو راگرتنا رێز و بھایا مەھا رەمەزانێ و دووڤچوونا دیتنا ھەیڤێ بو زانینا ئێکەم رۆژا رەمەزانێ و ئەڤ رێنمایە ل سەرانسەرێ ھەرێما کوردستانێ دڤێت بھێنە بجھئینان )
ھەروەسا ل دور رێنمایێن رێڤەبەریێن سەر ب وەزارەتا ئەوقافێ زێدەباری وان رێنمایێن سەری چەند خالەکێن گرنگ ژی ھاتینە بەلاڤکرن و تێدا ھاتیە : ( دڤێت وتاربێژێن مزگەفتان بازرگان و فروشیارا پالبدەن بو وێ یەکێ تشتێن خوە ئەرزان بکەن نەک خەلکی ئیستغلال بکەن و مێڤانداریکرنا فتاران بو کەسایەتی و ماموستایێن ئاینی ل دوڤ پێدڤی پێ بوونێ بکەن و دەرکرنا چەند پوستەرا تایبەت ب مەھا رەمەزانێ ڤە ، و پێدڤی یە ئەڤ رێنمایە بگەھنە دەزگەھێن راگەھاندنێ و پاپەندی پێ بھێتەکرن و دڤێت ئەو ژی مل ب ملێ مزگەفتان بانگان بدەن )

Leave A Reply