داخۆیانیدان( ئاخفتن کرن) و دەربرینێن کەسۆکینە، یان عوزرا ژ قەبحەتێ مەزنتر

0
ھشیار تۆڤی
ھشیار تۆڤی
کوردپۆرتال: ھشیار تۆڤی
ماوەیەکە و ب تایبەتی پشتی پەیدابونا ئالۆزییێن د ناڤبەرا بەغدا و ھەولێرێ دا و ژ ئەنجامێ خۆ سەپاندن و شێوازێ دکتاتۆریانە ژ رەفتارێن نوری مالکییێ سەرۆک وەزیرێ ئێراقێ، ھەلویستێ سەرۆکاتییا کوردستانێ ب تایبەتی ھەلویستێ بەرێز مەسعود بارزانی وەک سەرۆکێ ھەلبژارتییێ باشوورێ کوردستانێ ل ھەمبەری پلان و ھەولێن تێکدەرانەیێن نوری مالکی ، داخۆیانییێن جودا جودا ژ ئالییێ کەساتی ، ھێز و لایەنێن جودایێن کورد و ئەرەبان د رۆژەڤێدا ل سەر مژارا ناڤ ھاتی جھ گرتییە.
تشتێ بالکێش نە داخۆیانی یان ژی نەرازیبونا کەسایەتی ، سییاسەتڤان و ئەندام پارتێن ئەرەبایە ل سەر ھەلوێستێن کوردا و ب تایبەتی ھەلوێستێن سەرۆکاتییا کوردستانێ ل ھەمبەری رەفتارێن سەرۆک وەزیرێ ئێراقێ نوری مالکی.
بەلکۆ تشتێ بالکێش و گوماناوی ئەوە، ھەر ژ رۆژا سەرھلدانا نەرازیبونێن سەرکردایەتییا باشورێ کوردستانێ ل سەر کریار و رەفتارێن مالکی ئێکسەر ئەندامێن سەرکردایەتییا ئێکەتییا نیشتیمانییا کوردستانێ کەفتنە د چەپەرێ بەرەڤانیکرنێ دا ژ مالکی و داخۆیانییێن دژوار ل دژی ھەلوێستێن سەرۆکاتییا باشورێ کوردستانێ دان ، بالکێشتر ژی ل سەر ھەر داخۆیانییەکا ئەندامەکی / ئەندامەکێ ژ پۆلیتبیرۆ، ئەندام پەرلەمان و ئەندامێن ئەنجومەنێ سەرکردایەتییا ی ن کێ ل سەر ھەمان مژارێ! ھەر ئێکسەر پۆلیتبیرۆیا ی ن کێ دێ داخۆیانییەکێ دەت و دێ بێژن ، گۆتنێن وی / وێ ، دەربرینێ ژ ھەلویستێن یەنەکێ ناکەت .ژ وان ژی وەک میناکا ھەری داوی، نێرینێن عادل موراد ئەندامێ سەرکردایەتی و کەسێ نێزیکی شەخسێ بەرێز مام جەلالی بون کو د دیدارەکێ دە ب رۆژنامەکا بییانی رە ، ب دژواری ل دژی پارتی دەمۆکراتی کوردستان ئاخفتن کربون.
ھەڤالبەندییا دو روو ، د گەلەک دەم و کاودانادا گومانان ل جەم ھەڤال یان لایەنێ بەرامبەر پەیدا دکەت، و ئەڤ دو روویییا ئێکەتێیا نیشتیمانی ژی ئەنجامێ لاوازبونا وێ پارتییێیە، ل ئالییەکی ل دژی ھەڤالبەندێ خوە داخۆیانییان ل دژی ھەڤالبەندا خوە ددە و د ھەمان دەم دە ژی د بێژە ئەو گۆتن و داخۆیانی نە ژ ھەلوەستا ئێکەتییا نیشتیمانییە،
ئەگەر دیتم.. ئەزم!! گەر کۆ ئەز نەدیتم ،،دزم!!

Leave A Reply