مە چ کێشەیێن هاتن و چوونێ نەماینە تنێ ل ئەسمانی نەبن…..!!!!

1
ئیسماعیل عەلی دۆسکی/ئنکلتەرا
ئیسماعیل عەلی دۆسکی/ئنکلتەرا
کوردپورتال/ ئیسماعیل عەلی دۆسکی/ئنکلتەرا
بەری چەند روژەکا وەزیرێ ساخلەمیێ سەر ب هەرێما کوردستانێ د گوتنەکا خۆدا خۆیاکر کو پرانیا رێژەیا قوربانیێن گیانی ژ وەلاتیێن کورستانێ بو سالا رابوری ژ ئەگەرا رودانێن هاتن و چونێ بون. نوزانم هندی مە گوه لێ بویە ئەف قەیرانە دناڤ مەدا هەیە و روژ بو روژێ قەڤارەیێ ئەڤێ کێشەیێ جهێ داخێیە پتر یا خۆ ڤەددەت و بێی جهێن بەرپرس چارەیەکا باشتر و سەردەمیتر بو ببینن بو کێمکرنا ژمارا رودانێن هاتن و چونێ و پاراستنا گیانێ خەلکێ مە، چ شوفێر یان خەلکێ بوری لسەر جاددا.
لڤان روژا هەرێما کوردستانێ دگرێبەستەکێ دگەل کومپانیەکا نەمساوی چەند فروکەیێن هەلیکۆپتەرێن هاتن و چونێ هناردنە کوردستانێ بو مەرەما تەناهیا جاددەیین مە و خزمەتکرنا وەلاتیان د ریکێن هاتن و چونیدا و دیارکرنا جهێن قەرەبالغ و چارەکرنا چەند کێشەیەکێن دی. هەر چاوا بیت دەست خۆشیێ لوی لایەنی دکەین بو ئەڤی کاری و هیڤی دکەین خزمەتەکا باش بگەهینتە وەلاتیێن مە دبوواری کێشەیێن هاتن و چونێدا وەکو بشکەک ژ خزمەتێن گشتیێن وەلاتیێن مە. بەلێ بدیتنا من گەلەک جار حوکمەتا مە بهەفکاری دگەل کومپانیێن بیانیێن گەلەک کارین بازرگانی دناڤا کوردستانێدا دکەن لجهەکی بهندەک کارێن فەر رادبن و جهەکێ دیژی، کارێ فەرتر ل پشت گوه دهاڤێژن، و ل جهێ ئەو مەزاختناپارەیەکێ خەیالی لهندەک کارێن نە گەلەک فەر یان هێشتا دەمێ وان نەهاتی ، ئەوی پارەی بقایدەیی و بەرئاقلتر ل جهێن پێتڤی تر نا مەزێخن.
ئەرێ باشە شینا مەزاختنا پارەیەکێ مەزن ل چار فروکا بدەن، بلا تەسسەیێن جاددا چارەکەن و تونەلا پێ ئاڤا کەن، بلا چەند هێلێن تونەلا دنێڤبەرا باژێرا و ناڤا باژێرێن کوردستانێ دابنن، ئەرێ ما پتر بڤی رەنگی خزمەت ناهێتە کرن ل رێکێن هاتن و چونێ؟! ئەز دی ئێک نمونە بێژم ئەو ژی رێکا هەڤلێر/دهوک کو خوزی ژمێریارییەک هەبایە، باوەربکەن دا دەرکەڤیت کو مەزنترین رێژەیا رودانێن هاتن و چونێ یێن دلتەزین دوێ رێکێ دا دهێن کرن، بوچی حەتا ئەڤرو چ چارە نەهاتینە ئەنجامدان بو قەیرانا رێکا هەڤلێر/ دهوک، ئەڤجا ژبلی دهوک/ زاخو یان هەڤلێر/ سلێمانی و هۆسا.. تا نوکە گەلەک جاددە نەهاتینە قێرکرن و گەلەک تەسسە هەنە، زێدەباری نەبونا ستونێن روناهیێ و گەلەک کێشەیێن دی، هەر چەندە رێکین وەکو هەڤلێرێ ب باژێرێن دیێن کوردستانێ ڤە گرێددەت گەلەک فەرە رێخۆشکرن بو هەبن، چنکی هەڤلێر پایتەختە و مەزنترین فروکخانە ل وێرێ یە و دەولەت سەرێ وان چ دیار نینەژی کا کەنگی دێ فروکخانەیەک ل پارێزگەها دهوکێ ئێتە دانان!
من باوەرە نە تنێ ل کوردستانێ بەلکو پرانیا جیهانێ رودانێن هاتن و چونێ ل رێکێن بلەز(مۆتۆڕوەی) دێنە رودان ، پتر ژ جهێن ناڤ باژێر و گوندا. یا ئەڤرو فەر ل هەرێما کوردستانێ ژلایێ ویزارەتا هاتن و چونێ، چارەیەکێ بو کێشەیێن هاتن و چونی ببینن، ئەوژی بتەنشت چیکرنا جاددە و قێرکرنا وان و دانانا پرەیا، تڤیا هندکە جورێن دیژی لسەر بێنە زێدەکرن، ئەوژی ئاڤاکرنا تونەلا، دانانا هێلین مێترو و ترێنا، ئینانا پاسێن سەردەمیێن پێشکەفتی و بێهنفره و خۆش ژ وەلاتێن پێشکەفتی، ژبو پشتەڤانیا وەلاتیا بکارئینانا ترانسپورتێن گشتی جهێن ترۆمبێلا و دێ هاریکار بیت بو کێمکرنا رێژەیا تاکسیا کو زیدەبونا وانژی فاکتەرەکە بو زێدەبونا رودانا، ژبلی پاراستنا ژینگەهێ برێکا کارئینانا کێمتر یا ترومبێلا. ژنو خراپ نینە مە فروکەیێن تەناهی(سکیوریتی) ژی ل ئەسمانی بو تەناهیا جاددەیا و کونترۆڵکرنا قەلەبالغا وان هەبن.

Discussion1 لێدوان

  1. برا حكمه تا مه به س ياب خراب كرنيفه وه كي ياريت بجيكا يا لى هاتي وه ختى بجيك بو خو ياريادكه ن دى خانيكه كي ج كه ن حه تا دبيته ئيفار ئيفارى دى خرابكه ن ئو ئه و بجيكه دى جنه مال حكمه تا مه فى كافي عه يني فان بجيكايه ؟جادى دى جيكه ت هيشتا نه فه كري دى خرابيت باشي دكيرا وانرايه ج كافا به ربرس هاتنه سسا دان هينكى دى كه يفا خه لكي هيت ي خه له تيى بكه ت لازمه بهيت سسا دان نه ك بهيت بلندكر؟

Leave A Reply