نێچیرڤان بارزانی… و حکومەتەک تکنوکرات

0
زوزان سادق تروانشی/ ماموستایا زانکویا دھوک
زوزان سادق تروانشی/ ماموستایا زانکویا دھوک
کوردپورتال/ زوزان سادق تروانشی/ ماموستایا زانکویا دھوک
د ژیانێ دا ھندەک جارا ھندەک کەس یێن ھەین د بژارە و بەرچاڤن، لەوما ژی ب رێکا ئەو ئستراتیجیەتا ھزری و ھەستکرنا ب وژدان دێ پلانێن وان بۆ رێڤەبرنا ژیانێ و کار و کریاران یا لوجیکی بیت. نێچیرڤان بارزانی ھەر ژ دەمێ کابینێن پێش نوکە ھەول دایە کو حکومەتەک تکنوکرات بدانیت و د ھەمی کابینێن خوە دا بزاڤا چەسپاندنا شیانێن خوە یێن کەسایەتی د میانا جێبەجێکرنا ھزرێن خوە دا کریە و ئەو کەسانێن ئەو ھانددەت ھەمی ئەو تەخەیە ئەوا ھەلگر و خودان باوەرنامە و گیانێ گەنجاتیێ و شیانێن ئاڤاکرنێ و چەسپاندنا سیستەمێن نووکرنێ دکەن.
ئەڤرۆکە و د ڤێ جیھانگێریا سەردەمیانە، ھەر چەند کەسانێن دەستھەلاتێ خودان باوەرنامێن بلندبن و ل ھەژی وان جھێن ھەی بن دێ پتر ئاڤاکرنەکا موکم و شەفاف و زانستیانە دەتە وێ حکومەتێ و دێ بەلگاندنەکا موکم بەرامبەر سیستەمێن حکومەتێن جیھانی بیت، لەورا ژی ئەڤرۆکە د سیستەمێن سڤیل دا لێگەریان ل وان کەسێن ل ئاستێ زانستی، رەوشەنبیری و ل ھەژی جھێ بەرپرسایەتێ دھێنە ھەلبژارتن.
نێچیرڤان بارزانی ب گورەی ئەزمون و سەربوۆرا وی یا پێش وەخت د رێڤەبرنا حکومەتا ھەرێما کوردستانێ دا، دگەل ھەبوونا کاریزما و کەسایەتەکا ب ھێز چ گومان تێدا نینە کو ئەو کەسانێن ژ لایێ وی وەکو سەروکێ حکومەتا نوو دگەل لایەنێن پەیوەندیدار و دەستھەلاتێ ژ ھەمی لایەنێن حزبی ئەوێن ل کوردستانێ دێ ئەو کەسێن بۆ ڤان پوستێن وەزاری یێن نوو دێ د تکنوکرات بن و ھەلگرا باوەرنامێن بلند و زانستی بن. ئەڤجا ئەڤ ئەزموونا داھاتی یا حکومەتا نوو دڤێت ھەبوونەکا ھزر و پروژە و پلانێ نووتر ب خوەڤە بگریت دیسان دڤێت گھورینا وەزارەتان شێوازێ نوو ب خوەڤە بگریت و ھەمی بھێنە گھورین دوور ژ دوبارەکرنا ھندەک وەزیران، چونکی گھورین ب ھەردو شێوێن خوە ئەرێنی و نەرێنی ئەزمونەکە دێ لایەنێ بەرێ و ساخلەتێن وان یێن باش و خراب دیار و بەرچاڤ کەت. ھەروەسا دڤێت ئەڤ جارە سیستەمەک و پیڤەرەکی جوداتر ھەبیت بۆ ھەلبژارتنا کەسێن دبنە وەزیر و منافسە ل سەر ھەبوونا وان پیڤەر و مەرجان بھێتە کرن و سیستەمێ بەربژێکرنا وان سیستەمەکێ ھەلبژارتنێ بیت نەک جھەتەک کەسەکی ب تنێ بەربژێربکەت کو نە ل دووف پیڤەر و ستاندەرێن وان کەسان بیت ئەوەێن ھەڤکویفێن وی/ وێ ل وەلاتێن بیانی؛ چونکی د ڤی بابەتی دا مە دڤێت کەسانێن وەھا بھێنە دانان یێ بێھن تێربیت ژ گەندەلی و سامان خارانێ، ئانکو باشی و بارێ ئابووری یێ بەربژێری ببیتە مەرجەک، ژبەرکو ھندەک کەس حەز دکەن بگەھنە داما شەترەنجێ و کورسیێن دەستھەلاتێ ژ بەر بەرژەوەندێن خوە یێن کەسی ئەڤجا بلا ئێکێ وەسا نەھێتە ھەلبژارتن کو تەنھا چاڤێ وی ل چاوانیا دەلیڤە دیتنێ بۆ کونترولکرن ل سەر سامان و مافێ گشتی بکەت. و دەلیڤێ بۆ ئوپوزسیزیونێ ب رەخسینت کو رەخنێ ل حکومەتێ بگریت. ئەڤجا ب ئەمێدا وێ چەندێ کو خەلکێ کوردستانێ ب حکومەتا نوو و دیتنا کەسانێن نوو د وەزارەتان دا دگەل پروژە و پلانێن نووتر کو ب پلا ئێکێ د بەرژەندیا ھەمی کوردستانێ دابیت بشێن سیمایێن گھورینێ ب سەر حکومەتێ دا داپوشن و سیستەمێ پروژێن ڤان وەزیر و سەروک وەزیرێ نوو ببیتە بنواشە و رێسایەکا بنەرەتی بۆ نەوە و حکەمەتێن داھاتی.
ل دووماھیێ پێشنیار دکەم کو بەربژێرکرنا وەزیران وەکی بەربژێریا ئەندام پەرلەمانان بھێتە کرن کو ھەر حزب و لایەنەکێ بەشداریێ دحکومەتێ دا بکەت بەرژێرێ خوە و لپەی وان مەرجێن کو ھەمی لایەن ل سەر وان مەرجان ریکبکەڤن و ب پلا ئێکێ سەروکێ نوو یێ حکومەتێ و رازیبوونێ ل سەر وان مەرجان بکەت و پاشی ئەڤ بەربژێرە بکەڤیتە بەر دەنگدانێ و ھەر کەسێ پتریا مەرجان ژێگرت ئەو ببیتە وەزیر بۆ وێ وەزارەتا ل دوویف بسپۆریا وی/ وێ بۆ نموونە نە دەرچوویەکێ پەیمانگەھا ماموستایان ببیتە وەزیرێ داد یان نوژدارەک ببیتە وەزیرێ شارەوانیێ، بلا ئەم ھزر د بسپۆریا وی کەسی دا بکەین ئەوێ بۆ وی بوستەی دھێتە ھەلبژارتن داکو بزانیت دێ چاوە گھورینەکا ریشالی و زانستی یانە ئێخیتە وی لایەنی

Leave A Reply