ل سێ رۆژێن جه‌ژنا نه‌ورۆزێ 18 كه‌سان گيانێ خوه‌ ژ ده‌ست دايه‌

0

لەزگین جۆقی:
بەرپرسێ راگەھاندنێ ل رێڤەبەریا گشتی يا ساخلەمیا پارێزگه‌ها دھۆکێ، دیارکر د سێ رۆژێن جەژنا نەورۆزێ دا 11 ھزار و 984 کەسان سەرەدانا دەزگەھێن ساخلەمیێ کرینە ، ب تنی بنگەھێ ھاوار ھاتنا ب لەز 683 روودانێن ھەمە جۆر تۆمارکرینە.
ئه‌ڤرۆ 25ى ئادارا 2017ێ د پرێس کونفرانسەکی دا حەمزە رەزیکی، بەرپرسێ راگەھاندنێ ل رێڤەبەریا گشتی يا ساخلەمیا پارێزگه‌ها دھۆکێ، دیارکر د سێ رۆژێن نه‌ورۆزێ دا 448 زارۆ ژ دايك بووينه‌ و ژ وان 232 کوڕ و 216 کچن.

ئاشكه‌را ژى كر كو کەسێن ژ ئه‌گه‌رێ نه‌خۆشيان گیانێ خوە ژ دەست داين 18 كه‌س بووينه‌ كو ژ وان ژى شه‌ش جه‌لته‌ و پێنج روودانێن هاتنوچوونێ و چار ژ ئه‌گه‌رێ نه‌خۆشيێن دلى و پێنج ژى ژ ئه‌گه‌رێ نه‌خۆشيێن جودا.

بەرپرسێ راگەھاندنێ ل رێڤەبەریا گشتی يا ساخلەمیا پارێزگه‌ها دھۆکێ دا زانين ژى كو یاریێن ئاگری یێن بووینە ئەگەرێ برینداربوونا چار کەسان و گۆت: “تیمێن خۆپاراستنا ساخلەمیێ سەرەدانا 271 جھان کریە و دو هزار 925 نموونێن خوارنێ ژل ایێ وان ھاتینە پشکنینکرن”.

Leave A Reply