ل کەمپەکێ شاهیا ٦٠ بیک و زاڤا هاتە گێران

0

ل کەمپا کەبەرتو ١ شەھیانەکا ب کوم بو ٦٠ بیک و زاڤا ھاتە گێران
ب مەرەما بلندکرنا ئاستێ پێکڤە ژیانێ دناڤ ئاواراندا، و ب ئامادەبونا ھێژا ئەندازیار (ادریس نبی صالح) رێڤەبەرێ جێ بە جێ کارێ بوردێ کاروبارێن مروڤایەتی ل پارێزگەھا دھوکێ (B.R.H.A) و ھێژا (صلاح یاسین) رێڤەبەرێ رێکخراوا ھاریکار، و دادوەر موستەفا ئەلشێخ، و نوینەرێ بابە شێخ، و ھژمارەیەکا مەزن ژ ئاکنجیێن کەمپێ، رێکخراوا ھاریکار یا حكومى ب ھەفکاری دگەل بوردێ کاروبارێن مروڤایەتی ل پارێزگەھا دھوکێ و کارگێریا کەمپا کەبەرتو ١ شەھیانەکا ب کوم بو ٦٠ کور و کچێن ئێزدی و موسلمان گێران
لدەستپێکێ رێڤەبەرێ رێکخراوا ھاریکار دپەیڤەکێ دا سوپاسیا ھەمی دام و دەزگەھێن حکومەتا ھەرێمێ کر و ب تایبەتی کارگێریا پارێزگەھا دھوک و بوردێ کاروبارێن مروڤایەتی (B.R.H.A) ژبو ھاریکاریا وان د ئەنجامدانا چالاکیێن رێکخراوێ دا، د دویڤدا ھێژا (سعود مستو) ب نوینەراتیا (B.R.H.A) پەیڤەک پێشکێشکر و گوت: کارگێریا پارێزگەھا دھوکێ ژ دەستپێکا ھاتنا ئاواران ھاریکاریێن بێ سنور پێشکێشی ئاوارێن دکەمپ و ژ دەرڤەیی کەمپاندا کریە، و د ھەمو چالاکیێن پێکڤە ژیانێ دا بەشداریەکا فعلی ھەبوویە، و بو ڤێ چالاکیێ ژی (B.R.H.A) و کارگێریا کەمپێ ھەمو ئاسانکاری کرینە ژبو ب ئەنجام گەھشتنا ڤێ شەھیانا ب کوم یا کو نێزیکی ٦٠ کور و کچێن ئێزدی تێدا بەشداربووین، د دویڤدا ب نوینەراتیا بابە شێخێ ئێزدیان ھێژا ئەندازیار (ادریس نبی صالح) دیاریەک پێکێشی رێکخراوا ھاریکار کر
د دویڤدا دەست ب برگێن شەھیانێ ھاتە کرن، لدەستپێکێ ھەموو کچ و کور ب رێکێن یاسایی و ب ئامادەبونا دادوەر موستەفا ئەلشێخ لێک ھاتنە مارەکرن، و پروسێسا خەنایێ ھاتە ئەنجامدان، و ددویڤدا ژلایێ تیپا شاریا یا ھونەرێ مللی شەھیان و ئاھەنگ ھاتنە گێران .

Leave A Reply