رێککەفتن پشتی پەیامێ

0

کوردپورتال: صالح زاھێر زێباری:

بەلاڤ بوونا پەیاما سەروک بارزانی ل شەڤا بیستێ نوڤەمبەرێ پشتێ بێ ھیڤی بونا خەلکی ھات ل ئالیێن سیاسی ب شێوەیەکێ گشتی.ئەو پەیاما چەند خالەکێن گرنگ و ستراتیجی بەحس کر ژ چارەسەرکرن سەروبەرێ سیاسیێ کوردستان ب کومبوونا ئالیێن سیاسی و دامەزراندنا حکومەتەکا نوی و ئەکتیفکرنا پەرلەمانێ کوردستانێ ب دەستەیەکا نوی ڤە بو سەروکاتی کرنا پەرلەمانی و دانانا کەسەکێ وەک سەروکێ ھەرێمێ ھەتا ھەلبژارتنێن کوردستانێ و چارەسەرکرنا کریزێن ئابوری و دەست بەردان ل موزایدێن سیاسی ل سەر حیسابا خەلکێ ھەژار ژ خالێن سەرەکی بوون ل پەیاما دووبارە سەروبەرکرنەڤا ھاوکێشا سیاسی یا کوردستانێ.
تێکچونا سەروەبەرێ سیاسی یێ کوردستانێ و گران بوونا کرێزا ئابووری و ھەتا رادەکێ ب داوی ھاتنا شەرێ داعشێ و نیزیک بوونا پێکئینانا ئیدارا نوی یا ئەمریکا ب سەروکاتیا ترامبی و گوھرینێن لەز و بەزێن دەڤەرێ ھەمیا تشتەک گرنگ ل سەرکرداتیا کوردا دڤیا بکەت کو د ڤان ھاوکێشا ھەمیان دا ھەر ھیچ نەبیت سەر ب سەر دەربچیت بەرامبەر ب خوینا شەھیدا بگەھیت ئارمانجەکێ کو ھزاران گەنج بو بیە قوربانی. ب دیتنا من دپەیاما بارزانی دا ھاوکێشە ھەمی ھاتە ھاوسەنگ کرن و ئارامیا جڤاکی و سیاسی دگەل باوەریا ناڤبەرا ئالیان زڤراندەڤە.
ئەڤە ل سەر پەیامێ بەرامبەر ڤێ پەیامێ فەرە ل سەر ھەمی ئالیێن سیاسی بێ جوداھی ب ئیجابی پەیاما بارزانی قەبول بکەن ژ بەرکو ژ دەستپێکا ڤان کریزێن بەرسینگێ گورەپانا سیاسی یا ھەرێما کوردستانێ گرتی ھەر ئەڤ بابەتە بوینە کو ئالیێن سیاسی ل دوول و دوول دوور ئێک کری.
ب ئاشکرا دەست دانانە سەر کریزا و دەمێ پەیامێ ژ خالێن گرنگ بوون کو ئالیێن سیاسی پتر نەچار دکەت کو ھەلویستەک ئیجابی ھەبیت ھەر چەند پتریا حزب و لایەن و پێکھاتێن ھەرێمێ ب دلخوشی و ئیجابی بەرسڤا بارزانی دایە.
بەلاڤکرنا پەیامێ ژ ئالیێ بارزانی و بەرسڤا ئیجابی ژ ئالیێ حزب و لایەن و پێکھاتێن کوردستانێ خالا دەستپێکێ یە بو دەست پێکرنەڤا دانوستانێن ناڤبەرا لایەنێن سیاسی ب مەرجەکێ وەکی زنجیرە کومبونێن دەستپێکا کریزێ نەبن. و دەم ل سالحێ کوردان دا نیە ئەگەر ب ڤی ئاوای بەردەوام بین ژ بەر ھندێ ھێشتا گرنگیا پەیامێ دیار دبیت. و ھەروەسا فەرە دڤان ھەولان دا کەسێن ئێکێ یێن حزبا رولەکێ بەرچاڤ ببینن بو ھندێ بەرکا مە ل ئاڤێ خلاس ببیت و بگەھینە ئارمانجا ھەڤپشک کو سەربەخویی یە .

Leave A Reply