خوه‌شکرنا په‌یوه‌ندیێن هه‌رێمێ و تورکیا نه‌ل سه‌ر حسابا په‌که‌کێ و روژئاڤانه‌

0

خوه‌شکرنا په‌یوه‌ندیێن هه‌رێمێ و تورکیا نه‌ل سه‌ر حسابا په‌که‌کێ و روژئاڤانه‌ .
سه‌ره‌دانا رێزدار نێچیرڤان بارزانی سه‌ره‌دانه‌کا فه‌رمی ودپلوماسی یه‌.

کوردپورتال: خالد علی / بەرلین :

خوه‌شکرنا په‌یوه‌ندیان و په‌ره‌پێدانا وان دگه‌ل تورکیا ژلایێ هه‌رێما کوردستانێ ڤه‌ کاره‌کێ زورێ گرنگ و سروشتی یه‌ دبه‌رژه‌وه‌ندا هه‌ردو لایاندایه‌ بکوردو تورک ڤه‌ و وه‌لاتیێن هه‌ردو وه‌لاتان دهه‌می واره‌کی سیاسی بن یان کولتوری و جڤاکی و ئابوری بن چونکه‌ نوکه‌ ژ هه‌رده‌مه‌کی پتر پێویستیا مه‌ بڤان په‌یوه‌ندیان هه‌یه‌ تورکیا وه‌لاته‌کێ زورێ گرنگه‌ بومه‌ چونکه‌ ده‌روازێ هه‌رێما کوردستانێ یه‌ بجیهانا ژ ده‌رڤه‌.
په‌یوه‌ندیێن هه‌رێمێ نه‌ل سه‌ر حسابا په‌که‌کێ نه‌.
په‌یوه‌ندیێن هه‌رێما کوردستانێ په‌یوه‌ندیێن دو لایه‌نانه‌ ل سه‌ر بنیاتێ رێزگرتنا هه‌ڤبه‌ش و به‌رژه‌وه‌ندیێن دو قولی دهه‌ر واره‌کی دا. هه‌رێم وه‌کو وه‌لاته‌ک سه‌ربخوه‌ یا سه‌ره‌ده‌ریێ دکه‌ت و وه‌لاتێن جیهانێ ژی بچاڤه‌کێ مه‌زن ته‌ماشه‌ری سیاسه‌ت و په‌ره‌پێدانا ڤان سه‌ره‌دان و کارو خه‌باتان دکه‌ت ئه‌گه‌ر مه‌ بڤێت ئه‌م ببین خودان وه‌لاته‌کێ سه‌ربخوه‌ و ئابوره‌کێ بهێزو ژێرخانه‌کا باش مه‌ پێتڤیا ب په‌یوه‌ندیان هه‌ین قوناغا ئێکێ دگه‌ل تورکیا وه‌لاتێن ده‌وروبه‌ر چونکه‌ مه‌ ده‌ریا یان هیچ رێگه‌یه‌کا دی نینه‌ پێ گه‌هینن جیهانا ژده‌رڤه‌ واته‌ زورا گرنگه‌ و دجهێ خوه‌دایه‌ به‌رده‌وام سه‌ره‌دانا ڤان وه‌لاتان بهێته‌ کرن
ئاسایی بونا ره‌وشا شه‌رو بهه‌ڤچونان دبه‌رژه‌وه‌ندا هه‌می گه‌لێن ده‌ڤه‌رێ دایه‌.
دهه‌می سه‌ره‌دانێن هه‌رێمێ بو تورکیا هن لایه‌ن و که‌سان ره‌خنه‌ گرتینه‌ ل سه‌ره‌دانێن سه‌روکێ حکومه‌تا هه‌رێما کوردستانێ بو تورکیا و وه‌سا دایه‌ دیارکرن ئه‌ڤ نه‌ده‌مێ سه‌ره‌دانا یه‌ و نابیت هه‌رێمێ په‌یوه‌ندی ب تورکیاڤه‌ هه‌بیت.
براستی گوتنه‌کا سه‌یرو شاشه‌ چونکه‌ ژ ئه‌نجامێ هه‌بونا وان په‌یوه‌ندیێن گه‌رمو گور به‌ریا چه‌ند سالان وه‌لاتیێن مه‌ ژیانه‌کا گه‌له‌ک باش ده‌رباز کرو ده‌ڤه‌ر بته‌مامی ئارام ببو ئایا هه‌که‌ په‌یوه‌ندی نه‌بن ئه‌لته‌رناتیڤێ وێ چیه‌ ئیرانه‌ یان سوریا یان مینا ئه‌و لایه‌ن دبێژن به‌غدایه‌. نه‌خێر ئه‌ڤه‌ شاشه‌ سه‌ره‌دانێن رێزدار نێچرڤان بارزانی گه‌له‌ک گرنگ و بایه‌خدارن دجهێ خوه‌دانه‌ و نه‌ل حسابا هیچ لایه‌نه‌کی یان هێزه‌کێ نه‌ په‌یوه‌ندیێن زورێن ئاسایی یێن دو وه‌لاتانه‌ ئه‌ڤه‌ ژی شانازیه‌ بو هه‌رێمێ ئاستێ ڤان په‌یوه‌ندیان بڤی ره‌نگی بلند ببن له‌وما نابیت ئه‌م شاش هه‌ر تشتی وه‌رگرین پیچه‌کێ هزر بکه‌ین دێ چاوه‌ وه‌لاته‌ک سه‌ربخوه‌ بهێزبێخین چ گرنگه‌ بهێته‌ کرن. ب ره‌خنه‌کرن و نه‌بونا په‌یوه‌ندیان نه‌ مومکنه‌ ئه‌م بکارین داخوازیێن خوه‌ بگه‌هینن.

Leave A Reply