زانكۆیا دهۆك ئاهه‌نگا ده‌رچوونێ‌ یا گه‌ڕا 21 گێڕا

0

کوردپورتال:

ئه‌ڤرو سپێدێ‌ 23-11-2016ل هولا كونگرا ل زانكویا دهوك ب ئاماده‌بونا به‌رێزان فه‌رهاد ئه‌مین ئه‌تروشی پارێزگه‌رێ‌ دهوكێ‌ ونوینه‌رێ‌ وه‌زیرێ‌ خاندنا باڵا وسه‌روكێن زانكویان ل دهوكێ‌ وبه‌رپرسێن حزبی وئیداری وسه‌مییانێن قوتابیان رێ‌ ورسمێن ئاهه‌نگا ده‌رچونا خولا 21 یاقوتابیێن زانكویا دهوكێ‌ یا بناڤێ‌ (شه‌هیدێن سه‌ربه‌خویا كوردستانێ‌) هاتنه‌ گێران .
لبه‌راهیێ‌ رێپیڤانا قوتابیێن ده‌رچویی یا كولیژێن (نوشداری – چاندن –ئه‌ندازیاری – په‌رستاری- ڤیته‌رنه‌ری – ده‌رمانسازی پزیشكا ددان – زانستێن ته‌ندورستی )هاته‌ ئه‌نجامدان.
پاش سرودا ئه‌یره‌قیب وسرودا زانكویا دهوك هاتنه‌ گوتن وچه‌ند ئایه‌تێن قورئانا پیروز هاتنه‌ خاندن، ل دویڤدا په‌یڤا لیژنا ئاهه‌نگێ‌ ژلایێ‌ (د. میهڤان عارف) هاته‌ خاندن، پاش پروفیسور(مصلح دهوكی) سه‌روكێ‌ زانكویا دهوك په‌یڤه‌ك پێشكێش كر وگوت ئه‌ڤه‌ خرڤه‌بونه‌كا زانستی یا گرنگ ومه‌زنه‌ بو مه‌ هه‌میان وسه‌ره‌رایی هه‌بونا چه‌ندین قه‌یرانان لێ‌ پروسا خاندن وزانستێ‌ نه‌راوه‌ستیایه‌ وئیرو پتر ژ(3500) قوتابییان ژزنكویا دهوك ده‌رچوینه‌ و باوه‌رنامه‌ دبوارێن جودا جودا دا وه‌رگرتینه‌ بو خزمه‌تكرنا كوردستانێ‌ وئه‌ڤه‌ ژی وێ‌ نیشان دده‌ت كو زانكویا دهوك یا دپێشكه‌فتن وگه‌شه‌كرنێ‌ دا وته‌كه‌زكر كو زانكویا دهوك دێ‌ یا به‌رده‌وامبیت بو پشته‌ڤانیكرنا به‌رنامێن حكومه‌تا هه‌رێما كوردستانێ‌ وسوپاسیا وان هه‌موو لایه‌نان كر یێن بوینه‌ هاریكار بو زانكویا دهوك وپیروزباهی ل قوتابیێن ده‌رچویی وسه‌مییانێن قوتابییان كر وسه‌ركه‌فتن بو خواست.
پاش (د.كریم صالح) نوینه‌رێ‌ وه‌زیرێ‌ خاندنا باڵا په‌یڤه‌ك پێشكێش كر وگوت زانكویا دهوك ده‌ست كه‌فتێن باش بده‌ستڤه‌ ئیناینه‌ وده‌رچویێن زانكویا دهوكێ‌ دێ‌ بنه‌ بنیات بو ئاڤاكرنا كوردستانێ‌ وهه‌ر ده‌رچویه‌ك دشێت رولێ‌ خو ل كه‌رتێ‌ تایبه‌ت ویێ‌ گشتی ببینیت وپیروزباهیا هه‌موو ده‌رچویان كر.
پاش په‌یڤا قوتابیێن ده‌رچویی هاته‌ خاندن، قوتابیان سویندا ده‌رچونێ‌ خاند وباوه‌رنامه‌ هاتنه‌ دان.
هه‌ژی گوتنێ‌ یه‌ دخولا 21ێ‌ دا یا زانكویا دهوك پتر ژ(3500) قوتابی دبوارێن جودا جودا ده‌رچون.

Leave A Reply