سیمایـئ باژێری ژ عەشقاتە گرنگترە بو ئـاڤاکرنا کومەلگەهەک رەوشەنبیر …!

0

کوردپورتال: جاسم سەبری :
نڤیسینا چەندین پەیڤێن دلداری و ئەڤینی لسەر دیوارێن خانیا و جھێن گشتی وەک باخچە و بتایبەتی قوتابخانا نەدیاردەیەکا نوی یە دکەڤندا ئەڤ کارە سەری ھلدایە کو دەسپبَکاوێ ڤەدگەریت بو وان کەسێن دبێژنێ (مافیا) و وان کەسێن دژی ھەر دەسھەلاتەکێ پەیڤێن قەدەغە لسەر دیواران دنڤێسین ,لێ د جڤاکێ مەدا دڤان سالاندا وەک دیاردەکا بەرچاڤ سەری ھلدایە پتریا وان نڤیسینا گرێدایی ئەڤینیێ نە و پارچە نڤیسینێن سترانێن ھونەر مەندانن , پتریا ڤان کەسێن دنڤیسن گەنجێن سنێلەنە بتایبەتی پشتی ھونەرێ گوتنا سترانێن (راپ) دناڤا جڤاکێ مەدا پێشکەفتن بخوەڤە دیتی و حەژێکەرێن وێ زێدەبوین دھێنە نڤیسین , ئەڤ نڤێسینە لسەر ڤان دیواران چ ئارامیێ لدەڤ ئەڤینداران پەیدا ناکەت تنێ جھێ کرێت کرنا سیمایێ سروشتێ کومەلگەھێ یە و تورەکرنا لایەنێ خودانێ دیواری یە, ب ئەندازەیەکا ھونەری ناھێن نڤیسین , دێ بینی ب بویاغەکا سور یان رەش بشێوەیەکێ زور کرێت چەند پەیڤێن ئەڤینی ھاتینە نڤێسین ل جھەکێ کو دویرە ژ ھزرا ئەڤینیێ قوتابخانەیە یان یاریگەھەکا وەرزشیە یان دیوارەکێ دناڤا بازاری دایە ,ئەڤە کارەکێ نە دروستە بێ ھزر و پلانە ,دڤێت رێگری لڤێ دیاردێ بھێتە کرن ژ لایێ جھێن پەیوەندی دار کو پتر گرنگیێ پێبدەن , دیاردەیەکا ژڤان پەیڤێن ئەڤینی کرێتڕ ئەوە کو ناڤێ (راپەرەکێ ) یان ژی ناڤێ ھوستایەکێ دبوارێ ئاڤەدانکرنێ دا یان (رافیعا بلوکا ) ب ژمارا موبایلێ ڤە ل سەر دیواران ھاتیە نڤێسین وەکو ریکلام بو دەلیڤا پتر کارکرنێ ددەمەکێ دا جھێن دیارکری بو کارێ ریکلامێ ھەنە , چارەسەری بو ڤێ ئاریشێ ئەوە دەزگایێن ئەمنی بو دەستەسەرکرنا ھەرکەسەکێ بڤی کاری رابیت (غورامە) کەن بکوژمەکێ پارەی و دیوارێن ڤالە یێن دەزگەھێن حکومی و دەزگایێن پەروەردێ وەکو قوتابخانە و باخچە بھێنە نڤیسین بچەند دروشمێن دروست و ب ئەندازەیەکا ھونەری بو ھندێ جھـ نەمینیت ڤالا بو نڤیسینا ڤان جورە پەیڤێن سیمایێ رەوشتی و سروشتی یی کومەلگەھێ کرێت دکن .

Leave A Reply