سه‌روک بارزانی په‌یاما خێرێ و چاره‌سه‌رکرنێ به‌لاڤ کر

0

کوردپورتال : خالد بناڤی :
سه‌روک بارزانی په‌یاما خێرێ و چاره‌سه‌رکرنێ به‌لاڤ کر
ئه‌ڤه‌ چه‌ندین جاران سه‌روک بارزانی و پارتی ده‌ست پێشخه‌ریا چاره‌سه‌رکرنا قه‌یرانا سیاسی یا هه‌رێمێ کر.
لێ مخابن بێ ده‌نگیا لایه‌نێن سیاسی نیشانا نه‌ چاره‌سه‌رکرنا کێشانه‌
به‌روڤاژی یا هن لایه‌ن دبێژن کلیلا چاره‌سه‌ریێ دده‌ستێ بارزانی دایه‌ پارتی تومه‌تبار دکه‌ن لێ ئه‌ز وه‌سا نابینم دو کلیل یێن هه‌ین یا ئێکێ پارتی و سه‌روک هه‌رده‌م ده‌ست پێشخه‌ر بوینه‌ ئاماده‌بوینه‌ بو چاسه‌رکرنا هه‌می کێشان بوینه‌ کلیلا چاره‌سه‌ریا کێشان تایبه‌تی پرسێن نه‌ته‌وه‌یی.
لێ کلیلا دوێ و ئه‌و کلیلا کو ناخوازن بێخن ده‌رگه‌هێن چاره‌سه‌ریێ دده‌ستێ ئێکه‌تی نیشتیمانی کوردستان دایه‌
ئه‌گه‌ر ئێکه‌تی بخوازیت گوران ژ که‌رێ به‌لایێ بینیت خوار بو ئێکه‌تیێ گه‌له‌کا بسانه‌هی یه‌ ده‌ستهه‌لاتا وێ یه‌کێ هه‌یه‌ رایا خوه‌ ل سه‌ر گوران فه‌رز بکه‌ت لێ مخابن وه‌کو پێویست هه‌لویست وه‌رنه‌گرتیه‌ بێ گومان وان به‌رژه‌وه‌ندی و کارێن هه‌ڤبه‌ش هه‌نه‌ گومان تێدا نینه‌ و جه‌ماوه‌رێ هه‌ردو لا د ئێک ده‌ڤه‌ر دانه‌ لێ ئه‌ڤه‌ نه‌ ئاسته‌نگه‌ هه‌روه‌سان بێ ده‌نگیا وان
کاره‌کێ شاشه‌ دڤێت ئیکلایی هه‌بیت دا مله‌ت بزانیت کێ ئیفلاسا سیاسی کره‌ ل سلێمانیێ گوران یا ن ئێکه‌تیێ.
لێ به‌شه‌ک ژ ئێکه‌تیێ که‌یف بڤان کێش و ناکوکیان دهێت له‌وما دڤێت داخوازا هه‌لویسته‌کێ رون ژ ئێکه‌تیێ بهێته‌ کرن.
ژلایه‌کێ دن نابیت هێزێن سیاسی خه‌لکێ خوه‌ بخاپینن بێ ده‌نگیا وان نیشانا رازی بونا وانه‌ بڤێ ره‌وشێ.
کورسیا سه‌روک بارزانی بتنێ هێجه‌ته‌که‌ بو گوران و هن لایه‌نا .
مخابن هه‌تا نوکه‌ ڤان الیه‌نا ده‌ست پێش خه‌ری ژی نه‌کریه‌ بو چاره‌سه‌ریێ واته‌ ته‌ڤل هه‌ڤی و دوبه‌ره‌کی نه‌ چاره‌سه‌ری ناکه‌ڤیته‌ سه‌ر ملێن پارتی چونکه‌ دیار بو ئه‌ڤه‌ جارا چه‌ندێ یه‌ سه‌روک بارزانی داخوازا لهه‌ڤهاتنێ دکه‌ت مخابن لایه‌نێن سیاسی خوه‌ ناده‌ن به‌ر بارێ چاره‌سه‌ریێ.
هه‌ر چه‌نده‌ چاره‌سه‌رکرنا کێشان ئه‌رکێ هه‌رتاکه‌کێ کورد و وه‌لات پارێزه‌کی یه‌ چونکه‌ مخابن هنده‌ک ژ خه‌لکێ مه‌ باوه‌ری و هه‌ستا خوه‌یا نه‌ته‌وایه‌تی ژ ده‌ست دایه‌ بێرێزیێ به‌رامبه‌ر پێشمه‌رگه‌ و خوینا شه‌هیداو سمبولێن وه‌لات دکه‌ن.
واته‌ کێشه‌ گرێدای کورسیا سه‌روک بارزانی نینه‌ ئه‌گه‌ر هن لایه‌ن بێژن به‌لێ کێشه‌ سه‌روک بارزانی یه‌
ده‌ فه‌رمۆن سه‌روک بخوه‌ یێ ئاماده‌یه‌ بو چاره‌سه‌رکرنا هه‌می کێشان .لێ مخابن ئه‌و لایه‌ن ده‌رزیێ دچاڤێ هه‌ڤالێ خوه‌ دبینن لێ گێسنی دچاڤێ خوه‌دا نابینن.

Leave A Reply