تەنێ تەمبەلی ل سیستەما سەرمایەداری نە قەبوولە.

0

کوردپورتال: ئارام دھۆكی-كەنەدا :

سیستەما رۆژئاڤا یان ژی یا كو تێت نیاسین سیستەما سەرمایەداری (كاپیتەلیزم) ھەر جوورە ژیانەك تێت قەبوول كرن بەس نانێ تەمبەلی گەلەك یێب زەحمەتە، سەرەرایێ وێ ھندێ كو بسەدان رێكخراو ھەنە پیتەی ددەنە بارێ ژیانا كەسان و خێزانێت دەست كورت و یان كێم دەرامەت لێ ببەلگە و ژ بێ رێیێ ھەڤكاری دگەل تێت كرن ئەگینا ئەگەر بدەروا و تەمبەلیێ بۆ كەسێ ناچیت سەری، ھندە ھندی ئەو كەس نە ھاتی گرتن و لبن ژمارا كەساتیا وی یا كاری نە ھاتی نڤێسین كو ئەڤ كەسە تەمبەلە و فێلبازە لوی دەمی دێ بێژی ھەموو دەزگەھێن میری یا تف كریە بن ئەزمانێ ئێكدو و ھەموو یەك رستە بۆ ئامادە دكەن دەما دبیتە خاستنا ھاریكاریێ ئەوژی ئەوە رابووردویێ تە ئەم قانع كرینە كو تۆ كەسەك تەمبەل و فێلبازی لسیستەمێ، ئێدی نە بانك و سوشیال و خودانێت شولی و نە خودانێت خانیا و …..ھتد چ ھەڤكاریا تە ناكەن.
سیستەما سەرمایەداری گەلەكا ئالوزە و گەلەكا سادەیە د ئێك دەمدا، سەنگا تە و شیانێت تە ھەموو بھندێڤە دگرێداینە كانێ تۆ چەند د نەخشە و پلانا خۆیا ئابووری و كاریدا یێ سەركەتی و یان تۆ چەندێ بنەكەتیێ. گەر تۆ شیای ببی مرۆڤەك كارمەند، فەرمانبەر، بسنس مان، حاشا قەحبە و….ھتد. ئەو تۆ مرۆڤەك ژ ھەژی ھەڤكاریانی و دەرێ بانكا و (كردیت كارتا و لاین ۆف كردیتا) بۆ تە ڤەكریە و لدیف شیانێت تە نە گەر تە گەلەك ھەبیت ھندی بخازی وێ بدەن تە تۆ دشیێ پارا دینەكی و خانی و شوقا و كومپانیێت ھەمە جوور ڤەكەی لێ ھەر لوی دەمی فایدێ واو دوماھیا ھەیڤێ ئەو برا پارێ بۆ تە دانای بۆ بانكێ بزڤرینی. لڤی دەمی تۆ یێ خودان جھی و ھەموو كەس وكارمەندێن جڤاكی و دەولەتێ دخزمەتا تە دانە. ئەڤجا نە گرنگە تۆ كارمەندێ پاقژكرنێ بی یان كەساتیەك وەكو دۆنەلد ترۆمپ بی، گەر بەردەوام سەركەفیتێت ئابووری بدەستخوڤە بێنی رێكا تە یاڤەكریە ببی سەرۆكێ وی ولاتی بیێ كو تەماشایەك گەلەك مەزن ل چەوانیا بیركرنا تە بێت كرن یان ژی لێ بیت نێرین كا تۆ كورێ كێی و ژ كیڤە ھاتیی، یا ھەرە گرنگە تە رابردوویەك ببزاڤ ھەبیت و توشیابی تە دراڤەك مەزن بدەستخۆڤە ئانی بیت، ڤێجا تۆ قومارچەیەكێ زیرەك بی یان ژی كارمەندەك و رێڤەبەرەك خۆدان شیان بی. لێ بەلەڤاژی خودێ یا ژ تەستاندی گەر تو مرۆڤەك بی بلا تۆ فەلیەسوف بی دبیر و ھزرێن خۆدا یان نڤێسەڤانەك مەزن سیاسەتمەدارەك بێ بەڤل بی و دیسان ھتد. خۆ ژ جامێری و مولتەزم بیاسیا و خەباتكەرەك سیاسی و لەشكەرەك بسوز ئەڤە رێز لێ تێتە گرتن لێ بكردار تەمبەل بن و بڤێن لسەر ملێت دەولەتێ بژین ئەو دەرگەھ ھەمی بۆ دگرتینە و ژیان قوزلقورتە ھەتا مووچەكی ددەن سەە كولان لدلی دئینن و سەد و ئێك پرسان ژێ دكەن كانێ بۆچی تۆ كار ناكەی ئەگەر چنە گەر ئەگەرێن یاسای نەبن ئەوژی بۆ نموونە نەخۆشیەك دكتور بۆ ببە شاھد ببەلگە یان نەبوونا كاری، ئەوژی نەتنێ كارێ ئەو پێ رازی بۆ نموونە گەر دكتورەنك یان مھندسەك بێژیت ئەڤە رشیا منە و كارنینە، دێ پرس ژێ ھێت كرن كانی ھەولا ھاژوتنا تەكسیێ تە كریە، یان كارێ پاقژیێ تە كریە و نەبیت، رامانا وێ ئەوە نینە ئەز دختورم بەس دێ بكارێ دختوریێ رازی بم یان ئاغا مە و ھەر من دیتیە خەلكی بۆ من كریە و من خاریە. سیستەما سەرمایەداری مینا كورد د بێژن ھەر پەز پێپكا خۆیە، تۆ ھندی ھندی تۆ دئینی و ددیە حكوومەتێ مینا باج و تەكس گەر تۆ ڤی ئەركی بجھ دئینی دەولەت ژی د خزمەتا تە دایە و ھەڤكارە دگەل تە. لێ ھەر دەما تۆ ھاتی نیاسین و ببەلگە ئاشكەرا بوو تۆ كەسانەك لحیلا و حەوالان دگەری ئێدی یا ئاستەنگە وێ بێخن بەر بەرۆكا تە ھەتا تۆ پروف دكەی كو تو ھاتی گوھارتن و تە بەلگە ئانین یێن یاسای كو تۆ بوویە مرۆڤە بەرھەمھێنەر وی دمەی ھێدی ھێدی دێ دەرگەھان لتەڤەكەن.
وەكو خۆیایە گەلەك ژ وەلاتیێن كورد قەستا ولایێن دەرڤە كریە و ئەو دزانن ئەز چ دبێژم و ژیان چەندا ئالوزە و چەندا ساكارە لڤێرە، بكورتی تە دوو رێ ھەنە یان دێ بتەمبەلی ژیانێ لڤی وەلاتی بەیە سەر كو ئەوژی یا دەم كورتە ژ بەر كو دێ كەڤیە خەڤك و تەلھێن بێ دیماھیك و ژیانەك تا بێژی پر نەخۆشیێن دەرۆنی و جڤاكی، یان ژی كولنادەی بارێ گرانێ موجەھا كارێ بزەحمەت دێ كەی و دێ خۆ دەولەتێ بخۆدان كەی ژ بەركو باج گەلەكا بلندە بۆ نموونە گەر داھاتێ تە و خێزانا تە 50000 دولار بە دانە كو پتر ژ 1200 دۆلاران بۆ دەولەتێ یە ئەڤێ دی ژی بۆ ھەزار و ئێك تشتانە، ھەلبەر ھەر وەلات و رێزا باجا خۆ. لەوان گەلەك فەرە ئەو كەس و خێزانا قەستا ڤی وەلاتان بكەت گەلەك باشە بزانبە رەوشا ژیانێ و ئابووری لڤان وەلاتان چەوانە پاشی بریارا ھاتنێ بدە ژبەر كو ژیان لوەلاتنێ سەرمایەداری دبیت بەھشت بیت و دبیت ژی جەھنم بیت و بكەڤیە تێدا و چجاران ژێ دەرنەكڤی. بكورت و كرمانجی ژیانا مرۆڤێ تەمبەل و فێلبازیا ئابووری لڤی وەلاتی ناخوت، وەلاتێن فێرە دروست گووتنا كوردی لسەر تێت دەما تێتیت گووتن (ھەی بە كورێ كەری بە).

Leave A Reply