ئەرێ فەیسبووک بوویە جھێ باوەریێ و شیایە دزینێ وھاککرنێ براوەستینیت

0

کوردپورتال: جاسم صبری :

فەیسبووکی دگەل ئاسانکرن و خزمەتگوزاریێن بساناھی تر بوھندێ پتر مفا وەرگرتن یان ئاسانکرنا رێکا بو بکارئینانا توڕا خوە ژبۆ بکارھێنەران کریە , دگەل ڤێ ئاسانکرنێ رێک لبەر کەسێن ھاککەر یان بێژین کەسێن ھەولا دزین و ھاککرنا روپەل و فەیسبووک و مالپەرێن فەیسبووکی دکن خوەشکریە ,بێگومان فەیسبووکی نەشیایە ھاککرنێ براوەستینت , دزین و ھاککرنا فەیسبوووکی ژئەگەرێ دوو جورە رێکانە ,ئێک فەیسبووکی رێکێن پاراستنێ بشێوەیەک باش ئاستەنگ نەکرینە لبەرامبەر کەسێن ڤی کارێ ھاککرنێ دکەن , یا دووێ کەسئ ژێ ھاتی دزینێ یان فەیسبووکی وی ھاتی ھاککرن نەشیایە برێکەک باش و جوان لگور شیرەت و سەرەدەریا فەیسبووکی زانیاریێن خوە ڤەشێرت , ویێ پاراستی بیت ژڤێ ھاککرنێ ,شارەزاییەک باش د فەیسبووکی دا نینە ,لگور ژێدەرێن سەرەکی یێن فەیسبووکی دڤی ماوەیێ فەیسبووکی گەشە بخوەڤەدیتی بێژین ژ (٢٠١١) تا نھا نێزیکی (٧) ملیون فەیسبووک ھاتینە ھاککرن و دزین و ھونداکرن , دڤێت ئەم چارە رێکەک باش بۆ خوە ببینین , و فەیسبووکێ خوە بپارێزین ژڤێ ئێشێ داپاراستی بین , چونکی چەندەھا لینک و خزمەتگوزاریێن بێ بنەما کو فەیسبووکی ئاگەە لێ نینە پەیدابوینە ژلایێ وان کەسێن کارێ دزین و ھاککرنێ دکەن د فەیسبووکی دا , ئەرێ دێ چەوا پاراستی بین و خوە قورتالکین ژڤێ دیاردا ھاککرنێ , دڤێت ئەم زانیاریێن خوەیێن تاکە کەسی تێدا بپارێزین ,ئەگەر ڕوژەکێ ئەکاوەنتێ مە ھاتە دزین یان ھاککرن ,ژلایێ وی کەسی ڤە یێ بڤێت زانیارێت مە بزانیت .

دڤێت ئەم ڤان جورە رێکا بکاربینن :
١- ناڤ و نیشانێن خوە نەدانە سەر ئەوێن ھەمی دەما تو بکاردئینی وان ناڤ و نیشانا بپارێزە .
٢- وێنێن خوەێن تایبەت نەکە تێدا توژێ پشت راست نەبی کو د پاراستینە.
٣- ھەرکەسێ پەیوەندیا ھەڤالینیێ بۆتە ھنارت وەرنەگرە ھەتا تو نەنیاسی کا کیە .
٤- تایبەتمەندیێن خوە تێدا بپارێزە, بتنێ بلا ئەوبن ئەڤێن تەدڤێن خەلک ببینن .
٥- ژمارەکا موبایلێ دانە سەر و تێدا ڤەشێرە .
٦- لسەر ئیمایلەکێ برێک و پێک و یێ گرێدای کارێن تەیێن ئنتەرنێتێ بتنێ بیت گرێ بدە .
٧- لدەمێ ل جھێن گشتی ئەنترنێتێ بکاردئینی مینا سەنتەر و کافی و جھێن بازرگانیا ئەنتەرنێتێ تورێن خوەیێن کومەلایەتی دوان کومپیوتەراندا بکارنەئینە و ڤەنەکە .
دزین و ھاککرن بو وی کەسی بزەحمەتە ئەڤێ دڤێت ئەنجام بدت ئەگەر ئەم نەدھاریکاربین ب پێدانا زانیاریێن گرێدایی دروستبوونا فەیسبووکێ خوە . بلامە کوپیەک ژ پێزانین و پوست و چات و وێنەێن خوە ھەبیت ژسەرەتا ھەتا ئەڤرو, ئەگەرتەبڤێت فەیسبووکی خزمەتگوزاریەک یا ھەیی تو گرێدایی ڤی بابەتی تو بدەست خوەڤە بینی , بوھندێ ئەگەر فەیسبووکێ تە ھاتە ھاککڕن یان دزین دا بێ بەھرنەبی ژچالاکیێن خوەیێن تایبەت و گرنگ , روژ بۆ روژێ ئاریشا ھاککرنێ ژبەر خزمەتگوزاریێن فەیسبووکی یێن نویی دزێدەبونێ دایە ,دڤێت ئەم خوە بپارێزین و ھوشیاربین نەھەر لینکەکێ ھات دێ کلیک کەین و ھەولا ڤەکرنێ دین بێکو بزانین چیە , یان ھەر روپەلەکا ئیمایل و پاسوورد ڤیا چ ڤیدیوگەیم بیت یان ئەپلکەیشن بیت داخل بکەین ,چارەسەری و رێگریا سەرەکی ئەوە دڤێت کومپانیا فەیسبووکی پتر ئاستەنگا دانیت بەرسینگێ ڤان کەسێن کارێ دزینێ و ھاککرنێ دکەن و ئەم بکارھێنەرژی دچاڤ ڤەکری و ھوشیاربین زانیاریێن دەربارەی درووستبونێ تێدا بپارێزین مینا ژمارا موبایلێ و ئیمایلێ گرێدای پێڤە پێویستە ئەم نھێنیێن خوەیێن گرنگ ژێ دەربێخین یان نامە و وێنێن تایبەت و گرنگ دەما ژێ خلاس دبین, ژێ ببین (مسح) بکین .چونکی ئەگەر فەیسبووکێ مە ھاتە ھاککرن کومپانیا فەیسبووکی زەرەرمەند نابیت تنی ئەم دێ لایەنێ خوسارەت بین ,پشتی ھاککرنێ ئێکسەر دێ ئەکاونتەکێ نوی دروست کین و بینە بکارھێنەرێن فەیسبووکی چونکی ئەم یێن توشی فێربوینێ بووین و نەشێن بھێلین ,بڤێ چەندێ کومپانیا فەیسبووکی چ خوسارەتی یان زیان نەدیت تنێ کەسێ فەیسبووکێ وی ھاتبیت ھاککرن یان دزین نەبیت ,دڤێت ئەم ھوشیاربین و ھزربکین ئەگەر مە فەیسبووکێ خوە ژدەست دا ب چ رێکێ بیت ,ئەرێ دێ ھندەک نھێنێن مە ئاشکەرابن یان دێ ھندەک کار و چالاکیێن مە یێن گرنگ ژناڤ چن,یان دێ شەرمزاربین یان دێ کەسایەتیامە ب ئاشکراکرنا وان نھێنیا ھێتە کێمکرن و شکاندن,بێگومان ئەرێ دڤێت ھوشیاربین و فەیسبووکی نەکین جھێ باوەریێ تشتێ بڤێت بکین تێدا وەک سندوقەکا نھێنیا لێبکین ,دڤێت دەستپێکێ خوە ژھاککڕنێ و دزینێ بپارێزین وەک چەوا روژانە دبینین روپەل و فەیسبووک دھێن دزین و ھاککڕن دناڤا مە بخوەدا

Leave A Reply