بلا دانتی بیتە دادوەر!!

0

کوردپورتال : کەوسەر شەوکەت:

دەمێ من پەرتوکا دانتی یابناڤێ (الکومیدیا الالھیە) خاندی داخباری وێرەکیا وی و یاخی بونا وی بوم . من دخازت بتنێ مە کەسەکێ وێرەک مینا دانتی ھەبا ! ھەر دەمێ دگەھشتمە نیڤا رێکێ داکو خەونا دانتی بکەمە راستی یەک لبەر جاڤا .ژنیشکەکێ ڤە من خودیت دناڤ دارستانەکا بترس ژ درندێن داب نەریت و جڤاکی دیسا ڤە ھزرا من ئالوز دبو! کەس نەشیت ھزربکەت ئەو دارستان چەندا بترس بو. ھزرنەکەن ئەز کچەکا جیاوازم , نەخێر, ئەز نەیا سەیرم ژی و ئەز نەیاشاشم , بتنێ من تاوانەکا ھەی و دخازم بچم ھەمبەری دادگەھا دانتی راوستم ژبەرکو من باوەری ب وێ دادگەھێ نینە ئەوا عەشیرەت داد وەربیت ! من بو ھەوەنەگوت تاوانامن چیە ! بەس ئەز بیژم نوکە ھین دبیژن کچەک بنڤیست و دانپێدانێ ب تاوانا خوبکەت بێگومان تاواناوێ دێ مێ یاتی بیت ! بەس تاوانامن نەئەوە ,چنکو ئەز ب ئارمانج ھیڤێت خو گەلەک مەزنترم دناڤ سنورێن جڤاکەکی بھێمە سنوردار کرن و تاوانامن مێ یاتی بیت !ئەز گەلەک ژڤێ ھزرێ مەزنترم ! تاوانامن ئەوە ئەز دناڤ کومەلگەھەکێ دا دژیم یا تژی مروڤێن ئیزدواجی یە ؟ ئەڤجا نەمینن مەندەھوش چنکو ھێشتا من تاوانا مەزن نەکریە . من لبەرە خەونا دانتی بکەمە راستی !ئەرێ ھوین ھزرکەن کی دێ چتە جەھنەمێ ! وکی دێ چتە بەھەشتێ ؟َ!
ئەز یا نەچارم ڤێ چەندێ بکەم ژبەرکو من ژی ل ڤی سەردەمێ نوی دا ھەمان خەون دیت, بەس پا جارێ دا تاواناخو تەمام کەم تاوانا من ئەوە باش دزانم ھەمی دەما باوەری ئێکەم پێنگاڤە یان مروڤا بەرەڤ درندایەتیێ دبەت یان ژی فریشتا ! لەورا من ژی باوەری ھەیە کو ئەسمان گەلەکێ مەزنە یێ بێ سوتنە و ناکەڤیت بسەر مەدا , و تژی فریشتێن بێ گونەە و باقژ لسەر دژین ,وسەرەرای پیساتی و درندەیا مە چ ستێرا بسە رمە دا نائینت خار ! و چجارەکێ نەفرەتا لمەناکەن ! من باوەری ھەیە کو عەرد گەلەکێ مەزنە ویێ تژی یە ژمروڤێن پیس و درندەو خوین رێژ و دەمێ دمرن گیانێ وان بەرەڤ پاقژیا ئەسمانا دچیت ! ئەڤجا سەیرنینە من باوەری ب چێکەرێ وان ھەبیت !!لێ بەلێ ئەڤە رامانا وێ چەندێ نادەت من باوەری ب ھەر تشتەکی ھەبیت وئەز نەبینم , دیسا رامانا وێ چەندێ ژی نادەت من باوەری ب وان ھزرێن لناڤ مێشکا دھێنە ڤەشارتن ھەبیت !
دابھێم بەحسا خەوناخوبکەم ئەوا وەکی یا دانتی . من خەونەکا ھشیار دیت بەری ئەز بەرەڤ مەزنیا ئەسمانی بچم لبەر جاڤێن من دانتی و میکافلی و نیچە ونوال السعداوی و ئوشو و علی الوردی وووو …..ھتد کرنە جەھنەمی و تاوانبار ! من دخەونەکا بەرزەدا دیت دەمێ بەرەڤ ئەسمانا چویم ئەو دبەحشتێ دابون دگەل پێغەمبەراو ھەڤالێن وان دگەل ئەرستو و ئەفلاتونی و ابن خلدونی بون من دیتن چەوا ئەو ببون فریشتێن سپی ل فیردەوسێ بون . دیسان من دخەونەکا ھشیاردا دیت بەرپرسێن وەلات فروش و نڤیسەرێن مەلاق پەروەر ئەوێن خودان نیاسین نەتەوە پەروەر , و بانگخوازێن دوری ئەوێن مزایدە ب ئاینی دکر وەکی کاچەوا سەروکێن وەلاتێن عەرەبی بازرگانی ب مککەھێ دکەن و مروڤێن عشیرەت پەرێس وئەو کچێن لبن کەفیکێ مزایدا رەوشتی دکەن وئەبخو ژی ئەژدەھانە ,خودکرنە بەحەشتی و مروڤان ژی ئەو دکرنە ئەزبەنی و وەلین خودێ ! لێ من دخەونا بەرزەدا ئەوا ل ئەسمانا ئەو دد یتن دجەھنەمێ دابون دگەل مروڤێن دوری دگەل وان ی]ن لبەرجاڤن مە خزمەتا وەلاتی دکر لپشت مە وەلات فروت دگەل وان مەلاین سەر مینبەرا گوت حەرامی و حەلالی لبشت مەرا خودێ نە دنیاسی , دناڤ جەھنەمێ داد ھاتن سوتن, دگەل دەرەبەگ و ئاغا و سەروکێن عەرەبا . دیسان من پتر ژنیڤا خەلکی ل (ئەئعرافێ) دیتن من نەزانی کانێ دێ چنە جەھنەمێ یان بەحەشتێ ژبەرکو ھیش وان بخو ژی چ بریار نەبون بتنێ دیڤەلانک بون . لێ دەمێ من خو بزوری ھشیار کری من زانی تاوانامنا مەزن ئەوبو من ھەر نەشیا وەکی دانتی ناڤێن وان بدرستی ئێک ئێکە بنڤیسم کانێ ئەو کی بون ل جەھنەمێ دکرنە ھەوار .

(*دانتی ( ١٢٦٥_١٣٢١)ھوزانڤانەکێ ئیتالیە دھێتە نیاسین ب ئێک ژ ستونێن بوینە سەدەما ھەلدانا رێنسانسا ئەوروپا ).
کەوسەر شەوکەت

Leave A Reply