ل زاخو گەنجەك بــ پارچە وەریسەکی دووماهیێ بــ ژیانا خوە د ئینتن

0

کوردپورتال:

پۆلیسێ زاخۆ راگەهاند، نیڤرۆیا ئەڤرۆ وەلاتیەکێ تەمەن ٣٥ ساڵى ل گوندێ مێرگێ ب پارچە وەریسەکى دوماهیک ب ژیانا خوە ئینا.

ئەڤرۆ ٦ێ تشرینا دوویەما ٢٠١٦ێ راگەهاندنا پۆلسێن زاخۆ ل بەرپەرێ تایبەتێ خوە ل فەیسبووکێ بەلاڤکریە، دەمژمێر ١٢ى نیڤرۆیا ئەڤرۆ وەلاتیەکێ تەمەن ٣٥ ساڵى ب ناڤێ (س.ع.ح.) ل گوندێ مێرگێ یێ سەر ب ناحیا باتیفا ل سنورێ قەزا زاخۆ ب پارچە وەریسەکى دوماهیک ب ژیانا خوە ئینایە.

ئەو چەند ژى راگەهاندیە، وەلاتیێ ناڤهاتى ژ ئەگەرێ کێشەیەکا دەروونی ب پارچەیەکا وەریسی ژیانا خو بدوماهیک ئینایە.

هەروەسا ئەو چەند ژى راگەهاندیە، ئەو وەلاتى خێزاندارە و خودان زارۆکە و خەلکێ گوندێ مێرگێ ب خوەیە.

ئاماژە ب وێ ئێکێ ژى کریە، کو لاشێ وى وەلاتى بۆ نوژدارێ دادێ هاتیە ڤەگوهاستن.

ئەڤە د دەمەکیدایە شەڤا دەربازبوویى ژى هەر ل قەزا زاخۆ گەنجەکێ تەمەن ٢٤ ساڵی د ئوڤەر پاسا دەروازێ زاخۆدا کەفتە خار و ژیانا خوە ژدەستدا.

ڤەکۆلەرێن جڤاکى و شەهرەزایێن دەروونى دبێژن قەیرانا دارایى کارتێکرن ل سەر ژیارا وەلاتیان دروستکریە، لەوما رێژا خوە کوشتن و خوە خەندقاندنا بەر ب زێدەبوونێ چوویە.

Leave A Reply