حسێن حه‌سه‌ن قوربانیه‌كێ نوو ژبو دیارده‌یه‌كا كه‌ڤن

0

کوردپورتال :رێبه‌ر كوردو:

میرسیا ئه‌لیاد دبێژه‌: ل گورى ئیلێن ده‌ستپێكى ئه‌فسانا دروستبونا گه‌ردونى، وى ده‌مى دروست بو ل ده‌ما خوه‌دێ درنده‌یێ ده‌ریایێ كوشتى و ژ پارچه‌یێن له‌شێ وى دونیا دروست كری. ئه‌ڤ ئه‌فسانه‌ دبته‌ چاڤلێكرن بو ئێلێن ده‌ستپێكی كو د ره‌وشێن جودا جودا دا چاڤلێكرنا ڤێ حیكایه‌تێ دكن بو ته‌مام بونا ئه‌دموسفێرێ خوه‌ یێ ئولى. ل گورى هزرا ئێلێن ده‌ست پێكى قوربانى دا نا مروڤى په‌یوه‌ندیه‌كا ب هێزا ب شینبونا گژ و گیایى ڤه‌ هه‌ى. ئه‌و گژو گیا دبته‌ ژێده‌رێ ژیانێ بو وان. ژبه‌ركو ل گورى هزرا وان گژ و گیا به‌رهه‌مێ سروشتى نینه‌. به‌لكو به‌رهه‌مێ وێ خوینێ یه‌ ئه‌وا ل ده‌ستپێكێ هاتیه‌ رشتن. له‌ورا ئێدى دوباره‌كرنا وێ خوینێ دبته‌ مه‌رجێ ژیانێ.
ئه‌مێن كورد ژى تا ڤێ كیلیكێ وه‌كو هزرا ئێلێن ده‌ستپێكى دبنه‌ قوربانى ژبو ژیانكرنا یێ دى. رولێ قوربانیێ روله‌كێ كه‌‌ڤنارێ مروڤێ كورده‌ وه‌كو نه‌ریته‌كێ پێتڤیه‌ به‌رده‌وام خوه‌ دوباره‌ بكت. نه‌ریتێ قوربانێ . نه‌ریته‌كه‌ چه‌ند ل سه‌ر كوردان دهێته‌ سه‌پاندن كورد پتر دوباره‌ دكت. ئه‌گه‌ر د مێژویا نێزیكا كودان دا هه‌له‌پچه‌ و ئه‌نفال و شنگال، كورد وه‌ك قوربانى پێ نمایشا جیهانى كربت ، د ئه‌ف ساله‌دا پروسێسا قوربانیێ ژ پروسێسه‌كا كومى به‌ره‌ف تاكى چو .
حسێن حه‌سه‌نێ ، دخواست د ره‌شه‌با دا جه‌لاد و قوربانى ژ هه‌ڤ جودا بكت، قوربانى وه‌كو هه‌ى نیشان بدت جه‌لاد ژى ئه‌وێ د مێژوویا خوه‌ دا ب چه‌ندین فورمان كورد كریه‌ قوربان ل داوى جار خوه‌ د فورمێ داعشێن جه‌لاد دا به‌رجسته‌ كر. حسێن حه‌سه‌ن ب خوه‌ بو قوربانى و وه‌ك ئیسمائیلێ ئیبراهیمى خه‌نجه‌ر كه‌ته‌ سه‌ر حه‌فكا وى. پرسگرێكا كوردان ئه‌وه‌ هه‌رده‌م دكه‌ڤنه‌ ل هه‌مبه‌رى ئێك هه‌لبژارتن ئه‌وژى قوربانى یه‌ . ئه‌ڤ په‌نابرنا بو قوربانیآ وه‌كو گرێیه‌كا شكه‌ستى یا ده‌رونى رهه و ریشالێن مێژوى هه‌نه‌. و كو هه‌رده‌م خوه‌ بچیك دیتى یه‌ ل هه‌مبه‌رى یێ دى ب گوتنه‌كا دى هند خوه‌ بچیك كریه‌ تا ئاستی قوربانیێ د پێناڤێ مه‌زنكرنا یێ دى تا ئاستێ جه‌لادى. د ئه‌نجام دا كورد د ئاستێ مه‌زنیا قوربانیا خوه‌ دا، خوه‌دى داخوازیێن مه‌زن نینه‌. قوربانیا كورد هه‌رده‌م وه‌ك سمبول هاتیه‌ ب كارئینان. سومبوله‌ك ده‌ربرینێ ژ قوربانیا مروڤێ كورد ناكت به‌لكو د هێته‌ شیشتن بو دیتنه‌كا به‌رته‌نگا ئایدلوژى و به‌رژه‌وه‌نگه‌رایی. هه‌مان شێوه‌ حسێن ژى بو قورباینه‌ك و وه‌ك ئالاڤه‌ك هاته‌ ب كارئینان بو یێ دى. هه‌لبه‌ت یێ دى د ئاستێن جودا جودا دا بو زێده‌كرنا قویتێ خوه‌ یێ سیاسى و جڤاكى بكار ئانى. كه‌سایه‌تیا حسێنى ب خوه بو ده‌ستكه‌فت. كو ل سه‌ر قوربانیا وى خه‌نجه‌ر ل به‌ده‌نا وى دهاته‌ وه‌شاندن و چێژ ژ خوینا وى دهاته‌ وه‌رگرتن ژ بو كو قاره‌مانى و داهێنانا حسێن ژى ل په‌ى وان بكه‌ڤت. هه‌ڤده‌م ئه‌و روحا ئایدلوژیا دناخێ هنده‌ك كه‌سان ده‌ ب رونى زه‌لال بو . ئه‌و ئایدلوژیه‌ وه‌كو ستریه‌كێ د گه‌رویا وانده‌ ئاسێ بوى و ناهێلت ب دروستى هزر بكت . ل داوى كو پرسگرێكا ئایدلوژى ئه‌ڤه‌ كو هه‌رده‌م ژیوارى و دیارده‌یان ب به‌رچافكا مه‌رجعێن خوه‌ دا دبینت. هه‌رده‌م د ره‌وشا دویرى و نێزیكیێ دا نه‌ ژ مه‌رجعێ خوه‌ هه‌لبه‌ت جوداهى نینه‌ د ناڤبه‌را مه‌رجعێ رێكخراوه‌كا تیروریا وه‌كو داعشی كو مه‌رجعێ خوه‌ ئه‌سمان د دانت. و دگه‌ل ره‌وشه‌نبیره‌كێ كو مه‌رجعێ وى سیاسیه‌كی ئه‌ردى بت . ب هه‌مان تێز سه‌رده‌ریێ دگه‌ل دیارده‌یان دكه‌ن. ب تنێ پێك هاتێن تێزێن وان ژ هه‌ڤ جودا نه‌ . ئه‌گه‌ر بو رێكخراوه‌كا تیروریا وه‌كو داعشێ قوركرن و ژناڤبرنا مروڤى وه‌كو له‌ش و به‌ده‌ن یا گرنگ بت ، بو ره‌وشه‌نبیرێ ئایدلوژى برینداركرنا روحا مروڤى یا گرنگه‌. ئه‌ڤا كو حسێنى دخواست د ره‌شه‌با دا بكت پێكوله‌ك بو ژبو كو كورد ب عه‌قل سه‌ره‌ده‌ریێ دگه‌ل تراژیدى و بویه‌رێن خوه‌ بكت . ژبه‌ركو كوردان پرانیا تراژیدى و بویه‌رێن خوه‌ ب ئاوه‌یه‌كێ موقه‌ده‌س كرینه‌ ده‌لیڤا هزركرن و تێگه‌هشتێ نه‌هێلایه‌ . هه‌رده‌ما هه‌و‌له‌ك هاتبیته‌ كرن بو راوه‌ستیان و تێگه‌هشتن ژ بویه‌ره‌كا كورد، ده‌نگ بلند بوینه‌ كو یا ژ وانڤه‌ ئه‌ڤ بویه‌ره‌ گه‌له‌كا ئالوزه‌ ل ده‌ما دبێژن یا ئالوزه‌ ل وى ده‌مى تو نا خوازى ژێ فام بكى . پروسێسا هزركرنێ د ناخێ خوه‌ دا د كوژت . ناخوازت شروڤه‌ بكت. ئه‌گه‌ر تراژیدیاێن كورد ئاخڤى بانه‌ دا روژه‌ك هێت به‌رسینگێ مه‌ گرت و بێژنه‌ مه‌ ، ئه‌ز ئه‌و بویه‌را هندا موقه‌ده‌س نینم وه‌كو ته‌ سه‌ره‌دره‌ى دگه‌ل مندا كرى . به‌لكو ئه‌ز تراژیدایه‌كا مروڤایه‌تێ مه‌ . ل شینا من موقه‌ده‌س بكى وه‌ره‌ د من بگه‌هه‌ . وه‌ره‌ ب هویرى گوهداریا چیروكێن من بكه‌ من د لێ خوه‌ ده‌ربازى عه‌قلێ خوه‌ بكه‌ . هه‌لبه‌ت ده‌ربازكرنا دلى بو عه‌قلى ئانكو تراژیدى ژ سلوگانا و هه‌یه‌جانا ده‌ربازى رومان و سینه‌ما و لێكولین ببن . ب خه‌م ئافرین ڤه‌ هه‌مان‌ سه‌ره‌ده‌ریا د گه‌ل ئه نفال و حه‌له‌بچه‌ هاتیه‌ كرن یا ب سه‌رێ شنگالێ ژى دهێت ب ئاویه‌كێ رێیا ل هزركرن و تێگه‌هشتنێ ژێ دهێته‌ گرتن.
به‌س نینه‌ ئه‌م ب ته‌نێ روندكا بو شنگالێ برێژن به‌لكو پێتڤیه‌ ئه‌م هزرا بو ب دارێژن تراژیدى بو وه‌لاتێن پێشكه‌فتى دبنه‌ میراته‌كێ ده‌وله‌مه‌ندی هزرى و مه‌عریفى . ده‌ما ئه‌م دبێژن هولوكوست ئێكسه‌ر و رومان و لێكولین و سینه‌ما دهێنه‌ خه‌یالامه‌. ئه‌ڤا حسێنى د ره‌شه‌با دا كرى دخواست تراژیدیێن كورد ژ وێ روحا كونزه‌رڤاتیف و موقه‌ده‌سیێ ده‌ربازى جوره‌كێ دى یێ خه‌باتێ بكت . مروڤێ داهێنه‌ر هه‌روه‌كو پائیلو كویلو گوتى وه‌كو ژنه‌كا ب دوگیانه‌ ل ده‌ما زاروكێ وێ دهێت ل هیڤیا یێ دن نا مینت ده‌ستوریێ ژ یێ به‌رامبه‌ر وه‌رناگرت.
ئه‌گه‌ر توماس ئه‌دیسون ل ده‌ما كو گلوپ دروستكرى ئه‌و پرسیار ژ خوه‌ كربایه‌ كو دروستبونا ڤێ گلوپێ دێ گه‌له‌ك جهێن تارى یێن روحانیا رون ببن كو پێتڤیه‌ نه‌هێنه‌ رونكرن وى تو جاران گلوب دروست نه‌ دكر!

Leave A Reply