شێوەکارێن کوردستانێ ل دهوکێ دهێنە خەلاتکرن

0

کوردپورتال: بێوار مالتایی :

ب ئامادەبونا پارێزگەرێ دھۆک گەرا ١٣ێ یا گەلەریا دھۆک ھاتە ڤەکرن
ل رۆژا چارشەمبی ٩/٣/٢٠١٦ گەرا ١٣ یا گەلەریا دھۆک ل سەر ئاستێ ھەرێما کوردستانێ ب چەند پارچە موزیکا ژلایێ گروپێ باران ھاتە ڤەکرن و ھەرسێ ھونەرمەندێن شێوەکاری (عەبدورەحمان وەحید ژ دھۆکێ و عەبدولا رەسول ژ ھەولێرێ و دارا حەمە ژ سلێمانیێ) ب خەلاتێ زێری ژلایێ پارێزگەرێ دھوکێ ھاتنە خەلاتکرن دڤێ گەرێ دا بەرھەمێن ٩١ ھونەرمەندێن شێوەکار ل سەر ئاستێ ھەرێما کوردستانێ ھاتنیە ھەلبژارتن.
د پەیڤەکێ دا فەرھاد ئەمین ئەتروشی پارێزگەرێ دھۆک دیارکر ھەبونا ڤان ھەموو ھونەرمەندان ل پارێزگەھێ جھێ شانازیێ و دەست خوشیێ ل وان کەسا دکەم یێن خۆلا ١٣ رێکخستی، و گوت: پێدڤی ھەموو گرنگیێ ب ھونەری بدەن و ھونەرمەند رولێ خو ببینن و دڤی دەمی دا پێدڤیە کوردستان یا ئێکگرتی بیت و ئەو ئالوزی و کێشێن سیاسی بھێنە چارەکرن، و گوتژی: دەرفەتەکا زێرین لبەر سنگێ مللەتێ کورد وکوردستانێ ھەیە وروژھەلاتا ناڤین یا بەرەف گوھورینێن مەزن دچیت ھیڤی دارین ئەم وەکو کورد بشێین مفای ژڤێ رەوشێ ببینین وکیانەکێ سیاسی دڤێ قوناغێ دا ئاڤاکەین.
د خۆلا ١٣ دا بەرھەمێ ٩١ ھونەرمەندێن شێوەکاری ل سەر ئاستێ ھەرێما کوردستانێ ھاتنیە ھەلبژارتن و نمایشکرن، و ئەڤ خۆلە بو ماوێ شەش مەھا دێ یا بەردەوام بیت، و شێوازێن ھونەری یێن پشکدار (سیرامیک، گرافیک، پەیکەر سازی، دیجیتەل ئارت).

Leave A Reply