عێراق یا بەرەڤ نەمانێ ڤە د چیتن

0

مەتین جەمیل بناڤی :
پشتی ژناڤچوونا رژێما بەعس یا روخایی گەلێ کورد و سەرکردایەتیا کوردستانێ شێنگستێ سەرەکی یێ ئاڤاکرنا عێراقەکا دیموکرات و فیدرالی بون هەلبەت ب هەڤکاریا ئەمریکا و هێزێن هەڤالبەند، سیاستەمەدارێن کورد هەر ژ سەروك بارزانی تا جەلال تەلەبانی هەموو هەولێن خو ئێخستن گەر ژبو ئاڤاکرنا عێراقەکا نووی لسەر شێنکستێن پێکڤەژیان و وەكهەڤیێ و رولێ هەری سەرەکی دیتن ژ ئاڤاکرنا سوپایەکێ نووی یێ عێراقێ تا پروسەیا ئاشتیا ناڤ هێزێن سیاسی یێن عێراقی و پێکئینان پەرلەمان و حکومەت و دام و دەزگەهێن حکومی د وی دەمی دا زوربەیا داخوازیێن گەلێ کورد د هاتنە جێبەجێکرن تا نڤێسینا دەستورێ ئێکگرتی یێ نووی ژبو عێراقێ کو تێدا مافێن رەوایێن گەلێ کورد هاتنە دیارکرن و ئێک ژ گرنگترین مادەیان مادەیا ٥٨ و ١٤٠ یێن گرێدایی کەرکوکێ و دەڤەرێن دەرڤەیی ئیدارا هەرێما کوردستانێ دەم ژبو جێبەجێکرنا مادەیێن هان یێن دەستوری هاتە دەست نیشانکرن ،
پشتی حکومەتا عێراقێ ب سەرکێشیا هێزێن سیاسی یێن شیعە مەزهەب شیایی جهێ خوە بکەتن و ببیتە یاریکەر د یاریا سیاسی یا عێراقێ دا پشتی بێ بەهربونا چەندین سالان داخوزیێن گەلێ کور هاتنە پێشتگوهـ هاڤێتن سەرەایی کو سەروك کومارێ عێراقێ و وەزیرێ دەرڤە یێ عێراقێ و چەندین پلەیێن دی یێن سیادی د دەستێن هێزێن کوردی دا بون بەلێ نەشیان هیچ کارەکی بکەن ژبو ئەو مافێن گەلێ کورد ئەوێن د دەستوری دا هاتینە چەسپاندن جێبەجێبکەن ،
بەروڤاژی ڤێ چەندێ حکومەتا کوردستانێ ب سەروکاتیا ئەندازیاریێ ئاڤەدانیکرنا کوردستانێ نێچیرڤان بارزانی پلانا سیاسەتا پەترولا کوردستانێ دارێشت و کونتراکت دگەل مەزنە کومپانیێن د بوارێ نەفتێ دا کار دکەن ئیمزاکرن ژبو لێگەریان و ڤەدیتنا نەفتێ ل ناڤ خاکا هەرێما کوردستانێ پێنگاڤ ب پێنگاڤ سیاسەتا پەترولا کوردستانێ شیا جهێ خوە بکەتن و ببیتە کارت د دەستێ سەرکردایەتیا کوردستانێ دا دیسان هەر سیاسەتا پەترولا کوردستانێ بو کو بویە ئەگەرێ وێ ئاڤاکرن و ڤەژاندنا د هەموو سێکتەرێن ژیانێ دا ل کوردستانێ تایبەت بوارێ ئاسایش و ئێمانهیێ کو بویە ئەگەر کومپانێن زەبەلاحێن جیهانێ وەبەرهێنانێ د کورستانێ دا بکەن و پارەیێن خوە بێخن گەر ،
بەلێ حکومەتا عێراقێ دان ب سیاسەتا پەترولا کوردستانێ نەکر و رێگری و شەرەکێ سیاسی یێ مەزن دگەل سیاسەتا پەترولا کوردستانێ هاتە کرن تا گەهەشتیە وی رادەیی کو موچە و بودجەیێ هەرێما کوردستانێ هاتیە برین ،
ژ لایەکێ دی ڤە حکومەتا عێراقێ و دام و دەزگەهێن وێ تایبەت سوپایێ عێراقێ بەرەڤ تاکەرەویا شیعە مەزهەب ڤە چوو ئەڤ چەندە بو ئەگەرێ ناکوکیێن مەزن دگەل هێز و لایەنێن سنە مەزهەب ل ناڤەراستا عێراقێ و چەندین سەرهلدانێن جەماوەری د ڤان سالێن بوری دا هاتنە ئەنجام دان هەر ئەڤ چەندە بو رێخوشکەرەک ژبو هاتنا چەکدارێن تیروریستێن داعش ژبو عێراقێ و داگیرکرنا مویسل و و دەڤەرێن دی یێن عێراقێ و هندەک دەڤەرێن کوردستانی ،
ژیریا دیبلوماسی یا سەروك بارزانی و سەرکردایەتیا کوردستانێ و خوەراگری و ئێک رێزیا پێشمەرگەیێن کوردستانێ هەر زووی پشتەڤانی و پالپشتیا ئەمریکا و هەڤالبەندا ژبو گەلێ کورد دابین کر و نەهێلا کوردستان بکەڤیتە دبن مەترسیا چەکدارێن داعش ڤە، هەر دیسان پێشمەرگەێن قارەمانێن کوردستانێ شیان دووبارە ئەو دەڤەرێن دکەتنە ب مادەیێ ٥٨ و ١٤٠ کونترول بکەن و ل شینا سوپایێ تاکەرەوی بەرەڤانیێ هەمبەری تیروریستێن داعش بکەن و خاک و وەلاتێن کورستانێ بپارێزن و ئەڤ چەندە ب خوینا خوە ئەنجام دا ،
پشتی هەموو نەهامەتێن عێراق تێدا دەرباز بویی دیسان لژێڕ گڤاشتنێن نەتەوەیێن ئێکگرتی و ئەمریکا هێزێن سیاسی و سەرکردایەتیا کوردستانێ بونە ئەگەر د ئاڤاکرنا حکومەتا عبادی دا ،
سەروك وەزیرێ نووی یێ عێراقێ سوز ژبو سەرکردایەتیا کوردستانێ و گەلێ کورد دا کو ئەو داخوزی و مافێن گەلێ کورد دێ جێبەجێکەتن هەر ژ دانا بودجە و موچەیێ فەرمانبەرێن کوردستانێ دیسان سوزێن مەزن دانە هێزێن سیاسی یێن سنە مەزهەب ئەوژی ب گڤاشتنێن ئەمریکا داکو عێراق ئێکگرتی بمینیتن و نەهێلن تیروریستێن داعش جهێ خوە ل عێراقێ بکەن ، لێ پشتی بورینا دەمی هەموو سوزێن سەروك وەزیرێ حکومەتا عێراقێ حیدر عبادی دگەل حکومەتا کوردستانێ و هێزێن سیاسی یێ سنە مەزهەب هاتنە بن پێکرن و نەهاتنە جێبەجێکرن هەر ئەڤە بو ئەگەرێ داگیرکرنا رومادی و هندەک دەڤەرێن دی یێن عێراقێ و خورتبونا تیروریستێن داعش ل ناڤەراستا عێراقێ .
هەلبەت د سەرەدانا خوە یا ئەمریکا دا سەروکێ کوردستانێ رێزدار مسعوود بارزانی هەموو گازندەیێن گەلێ کورد گەهاندنە ئیدارەیا ئەمریکا و باسێ سەرخوەبونا گەلێ کوردستانێ و پێنگاڤێن داهاتی یێن کوردستانێ دگەل سەروکێ ئەمریکا تاوتوێکرن ، ئیدارا ئەمریکا و سەروك ئوباما ژی د هەلویستێ سەرکردایەتی گەلێ کوردستانێ گەهەشتن ، دیسان کونگرێسێ ئەمریکی فەرمی بریار دا کو چەک و هاریکاریا راستەوخو یا پێشمەرگەیێن کوردستانێ و هێزێن سونە مەزهەب بکەن
ئەڤێ پێنگاڤا کونگرێس و ئیدارا ئەمریکا پروژەیێ جو بایدن یێ دابەشکرنا عێراقێ بو سەر سێ هەرێم یان سێ وەلاتان نووی کرە ڤە ، و روژ بو روژێ ئەڤ چەندە یا ئاشکرا دبیتن کو دڤێتن عێراق هەر بهێتە دابەشکرن و ئێدی مەحالە پێکڤەژیان ل عێراقێ هەبیتن و عێراق بەرەڤ نەمانێ دێ چیتن

Leave A Reply