ل ئەوروپا دێ ئەندازیارەکی سەرژێکەن ..!

0

کوردپورتال:مصطفی بامەرنی
دگەل بەلاف بونا دیاردا سەربرینا مروڤا ژ لایێ تیرورستێن داعشێ ڤە لسوریا و عیراقێ ، ئێدی دیتنا ڤان دیمەنا بو تشتەکێ نورمال لدەف خەلکی و لدەف هندە کەسا بویە جسارەت کو وی کاری بکەن ، ڤێجارێ دێ سەرەک هێتە برین ل ئەوروپا ، بەلێ نە کو ژبەر کافرە یان ژی دگەل هزرا توندرەوا نینە ، بەلێ دێ بو کارەکێ مروڤایەتی هێتە ئەنجام دان ، ئەندازیارێ کومپیوتەری یێ روسی کو ژیێ وی ٣٠ سالن یێ توش بویە بئێشەکێ کو چرەسەری بو نینە و ج هیڤی لدەف نەماینە ، راگەهاند کو ئەو دی ستویێ خو دسالا بهێت دا رادەستی کێرا نشتەگەرێ ئیتالی کەت داکو سەرژێبکەت و لسەر لەشەکێ دی بچینیت ، نوکە چاڤەرێ خوبەخشەکی نە کو بەری مرنێ خو بەخش بکەت بو ڤی کاری کو دبێژێنە ڤێ کریارێ لێکگهورینا مروڤا و ئێکەمە دمێژویێ دا ، ئەف کریارا نشتەگەری دێ ٢٦ دەمژمێرا ڤەکێشیت . ئەندازیارێ کومپیوتەرا فاليري سبيريدونوف ، باوەرریا خو دا نشتەگەرێ ئیتالی سێرجیو کانافێرو ، هەر وەکی هاتیە راگەهاندن لروژناما ؛ دەیلی مەیل ؛ یا بریتانی . فاليري سبيريدونوف، دژیت لباژێرەکێ ١٢٠ کم نێزیکی موسکو و یێ نیف گیانە لسەر کورسیا پەکەفتیا بئێشا Werdnig-Hoffman ، ئێشەکا ئێکانەیە و کوژەکە و گەلەک دماندا ماسولکێن لەشێ وی دراوەستن و ئەندامێن لەشێ وی یێن سەرەکی لاواز دبن وەک دل ومێلاک کلیێا. دهێتە پێشبینی کرن ئەڤ نشتەکەریە دێ ١٠ ملیون دولار لێ هێنە مەزختن و پێتڤی ب١٠٠ نوژدارایە و یێن تایبەتمەند دهەمی بوارندا بو قوناغین نشتەگەریێ ، و هیڤییەکا باش هەیە بو سەرکەفتنا ڤی کاری ، کو دبیتە مروڤەک ددوو لەشان دا ، و بریارا فاليري سبيريدونوف بو سەرژێکرنا خو بریارەکا دوماهیێ یە و دبێژیت ئەز لێڤەنابم و من دەلیڤەکا دی دڤێت ئەز هەست پێ بکەم ئەزێ دلەشەکێ دی دا دژیم بەری ئەز بمرم

Leave A Reply