ئیرو دێ پاره‌ گه‌هن و ده‌ست ب مووچه‌یێن شواتێ هێته‌ كرن

0

بڕیاره‌ ئه‌ڤرۆ وه‌زاره‌تا داراییا ئیراقێ 527 ملیار دینار وه‌ك پشكه‌ بودجه‌یا هه‌رێمێ یا مه‌ها ئادارێ ره‌وانه‌ بكه‌ت، هه‌ر ل ڤێ هه‌فتیێ ده‌ست ب پارڤه‌كرنا مووچه‌یان بهێته‌ كرن.

هشیار زێبارى وه‌زیرێ دارایێ ئیراقێ دكۆمووبنه‌كێ دا دگه‌ل ئارام شێخ محه‌مه‌د جێگرێ سه‌رۆكێ جڤاتا نوونه‌رێن ئیراقێ دوهى راگه‌هاند؛ ئه‌و پاره‌یێ بۆ هه‌رێمێ دهێته‌ هنارتن، پشكه‌كه‌ ژ موسته‌حه‌قاتێن هه‌رێمێ، ئاماژكریه‌ كو نها هه‌رێم 300 هزار به‌رمیلان ژ پترۆلا خوه‌ ب رێیا سۆمۆ ره‌وانه‌ى ده‌رڤه‌ دكه‌ت، ره‌وش ژى به‌ره‌ڤ چاره‌سه‌ریێ دچیت.

ل ده‌مه‌كى په‌ڕله‌مانتارا كوردستانێ د. شرین حسنى بۆ مالپه‌رێ فه‌رمیێ پارتى دیاركر، لدووڤ زانیاریێن ژ وه‌زاره‌تا داراییا هه‌رێمێ وه‌رگرتین، لیستێن پارڤه‌كرنا مووچه‌یان به‌رهه‌ڤن و ل ڤێ هه‌فتیێ دێ ده‌ست پێكه‌ت و گۆت: “رۆژانه‌ هه‌ژماره‌كا وه‌زاره‌تا ب هه‌ڤرا دێ مووچه‌ى وه‌رگرن”.

پێشتر فازل نه‌بى بریكارێ وه‌زاره‌تا داراییا ئیراقێ دیاركربوو، ئه‌ڤرۆ دێ 527 ملیار و 432 ملیۆن دینار وه‌ك پشكا بودجه‌یا هه‌رێمێ یا مه‌ها ئادارێ دێ هێته‌ هنارتن”.

Leave A Reply