ل ولاتێ خەلکێ هەڤخەمیە، ل ولاتێ من سەیرانێن بەفرێ نە!!!

0

کوردپورتال: عەبدوللەتیف ئەحمەد ئەرەدنى :
جهێ داخێ یە ئەڤرۆکە خوینا سورا کومەکا گەنجێن ولاتێ من، ب(نەهەق) هاتیە رێژتن، وئەم نەشێن پێناسا وێ مژا خەمناک بکەین یا ئەسمانێ ولاتێ من گرتى،ئەڤرۆکە دلێ سەدان دایکێن مە یێ سوتى و رۆندکێن پر خوین ژ چاڤێن دایک و مالبات و زاروک و کەس وکارێن شەهیدێن رێکا ئازادیێ دهێنە خوارێ، ئەڤرۆکە ولاتێ من دڤێت خۆ درەش و شینى ب پێچیت، وئەو زارۆکێن نازدار کرى ژلایێ بابێ ڤە ماینە بێ باب ،ل شوینا ئەم هەمى هەڤسوز و هەڤخەمێن وان زارۆک وکەس وکارێن شەهیدان بین،ئەو شەهیدێن خوینا خۆ رێژتى وسینگێ خۆ کریە چەپەر، داکو ئەم ل مالێن خۆ ل سەر کارێن خۆ ئارام و تەنا بژین، ئەو پێشمەرگێ نوکە دسینگێ سەنگەرێن بەرەڤانیێ ول بەر سەرمایێ تبلا وى ل سەر جەلەبکا تڤەنگێ و ئەم ل بەر سوپا و سپلێتا رۆنشتیە،ل شوینا ڤێ هەمیێ جهێ داخێ یە ئەڤرۆکە ل ولاتێ من خەلکەک هەیە دفێسبوکیدا وێنێن سەیرانێن بەفرێ بەلاڤ دکەن و دیسان سفرێن خوارنێ بەلاڤ دکەن وى یا ژبیر کرى کو دبیت پێشمەرگەک یێ هەى ل بەرۆکێن شەرى دبیت نانەک ژى نەبیت بخوت،و ل بەر سەرمایێ یە،بلا هەر چ نەبیت ئەم ژى وەکو ولاتەکێ بیانى بۆنمونە (فرنسا)ب ین بتنێ 17 کەس هاتینە کوشتن ئەڤرۆکە ل هەمى ولاتێ فرنسا خوپێشاندان ونەرازیبونە و دیسان چەندین ولاتان ئالایێ خۆ تا نیڤێ ئینایە خوار وەک هەڤخەمیەک بۆ کارێ تیروستى ورێزگرتنەک بۆ گیانێ وان 17 کەسێن هاتینە کوشتن .
ل ولاتێ من ژى ب سەدان گەنج ولاو هاتینە شەهیدکرن،هێژ خەلکەک هەیە سەیرانێن بەفرێ دگێرن و زارۆکێن خۆ دکەنە ئوتومبێلاندا، وبەرڤ سەیرانا دچن و رێکێن خەلکێ ژى ئاسێ دکەن، نزانن ئەگەر ئەو شەهید و پێشمەرگە نەبان نوکە ئەو نەشیا زارۆکێن خۆ دەربێخیت و ئازادانە سەیرانا بگێریت ئەڤرۆکە شەر ل بەر دەرگەهێ تەیە، ورۆژانە شەهید مەهەنە وکارێ مە ژى سەیران و بەفرە وەکو دبێژن ،(نە ئەو سیکە و نە ئەو بازار)، ل خۆ بزڤرە سەیران چى، تو گونەهبارى دەرهەقى زارۆک و کەس وکارێن شەهیداندا وەرە خودانێ بەلافکرنا وێنێن سفرێن خوارنێ و سەیرانێن بەفرێ داخوازا لێبورینێ ژ زارۆکێن شەهیدان بکە و خۆ بدانە ل شوینا وان،کانێ دێ تە چ بەرسڤ هەبیت بۆ وان کەسێن ب ڤى کارى رادبن.ل ولاتەکى کەسەک دهێتە کوشتن ،ولات هەمى هەڤخەمە، ل ولاتێ من سەدان گەنج شەهید دبن، ل شوینا هەڤخەمیێ کەیف و سەیرانە

Leave A Reply