دوماهیا هه‌یڤێ دناڤبه‌را قورئانێ و زانستێ دا

0
دوماهیا هه‌یڤێ دناڤبه‌را قورئانێ و زانستێ د
دوماهیا هه‌یڤێ دناڤبه‌را قورئانێ و زانستێ د

کوردپورتال- هاشم مجید بانی :

قال تعالى : ( فَإِذَا بَرِقَ الْبَصَرُ. وَخَسَفَ الْقَمَرُ. وَجُمِعَ الشَّمْسُ وَالْقَمَرُ. يَقُولُ الإِنْسَانُ يَوْمَئِذٍ أَينَ الْمَفر ) القيامة 7 – 10 ئەگەر ھات و چاڤێن ھەوە حێبەتی بون و ھەیڤ نەما و ھەیڤ و روژ بونە ئێک مروڤ دێ وێ روژێ بێژن قورتالبون لکیرێ یە.؟ ئەڤە دوماھیا ھەیڤێ یە وەکی قورئانا پیروز دبێژیت. جارێ دا سەحکەینێ زانست چ دبێژیت. زانا دبێژن بەری ٤ ملیار و نیڤ سالا پێکھاتەکێ ب قەبارێ مەریخێ یێ ھاتی ب عەردی کەفتی و د ئەنجام دا پەقینەکا مەزن رویدا ئاخەکا مەزن ژ عەردی راکریە دەورو بەرێت عەردی و پاشی دەمێ زڤرینا عەردی ئەوێ ئاخێ خو دایە ئێک و بویە ھەیڤ پشتی چەندین مادە و گازێن دی یێن گەردوونی تێکەل بوین . زانا دبێژن ئەڤ ھەیڤا ئەم دبینین بارا پترا روبەرێ وێ چیانە . ئەو لایێ روژ لێ دەت پلا گەرماتیێ دبیتە ١١٠ پلە و لایێ شەڤ ١٨٠ پلا دچیتە دبن سفرێ دا . ھەیڤێ چ بەرگ ئانکو (غلاف جوی) نینن و تیشکێت روژێ ئێکسەر دگەھنێ . ژبەر ڤان ئەگەرا ھندەک تەخێت وەکی شیشەی پەیدا بوینە لسەر عەردێ ھەیڤێ و ئەڤ تەخەنە تشکا ب شەڤێ د ھنێرنە سەر عەردی . پشتی ئاژانسا ناسا یا امریکی شیای لڤان ٤ سالێن بوری موشەکەکێ ل نھالەک ژ نھالێت ھەیڤێ بدەت دیار کر کو ئاڤەکا مەزن لبن عەردێ ھەیڤێ ھەیە و دیسان چەندین مادێت دی ھەنە وەکی (المنیوم و تیتان و ھلیوم ٣) . ھەیڤ نە بوی شێوەیە وەکی ھوزانڤانێت مە خوشتڤیێت خو پێ تەشبیە دکرن بەلکو ئاخەکا خاڤە و چ دی نە …! ئەڤ ھەیڤە ٣٨٤.٤٠٠ کلم یا ژ عەردی دویرە و عەرد ١.٥٦٠.٠٠٠ ھزار کلم ژ روژێ یێ دویرە وەک یا زانا کو ١.٢٠٠.٠٠٠ ھزار جارا روژ ھندی عەردی یە روژ فرنەکا ناڤوکی یا سروشتیە و چێکریەکێ زورێ ب ترسە وەکی رویبارێن ئاگریە ب سەر ئێک دا دھێت و دچیت و ب شێوێ تەپەکێ و وزێ ددەتە کۆما خۆ و خودان راکێشانەکا (جاژبیە) ب ھێزە و ب رێکا راکێشانا خو پێکھاتە و ھەسارێن خۆ دکێشتە لایێ خۆ و رادگریت و وەناکەت ژ جھێ خو بچن و ھەمی پێکھاتە و ھەسارێن کوما رۆژێ ب یاسایا راکێشانێ کار دکەن و دھێن و دچن . ھەیڤ دیڤەلانکەکێ بچویکە بو عەردی و ھەیڤا وێ ژ ٢٩ روژ و نیڤا پێک دھێت ئانکو نابنە ٣٠ رۆژ وەکی ھندەک ھزر دکەن . عەرد وەکی ھێکێ یە ئانکو نە یێ گروڤرە وەکی تەپێ . دەمێ ھەیڤ لدور عەردی دزڤریت لسەرێ بلندێ عەردی ئانکو جەمسەران نێزیکی عەردی دبیت لوی دەمی ھێزا پالدانێ یا عەردی کار دکەت و ھەیڤێ پالدەت و د ئەنجام دا لەزاتی دکەڤیتە ھەیڤێ و ھەیڤ خوشتر دچیت حەتا دویر دکەڤیت ژ سەرێ بلندێ عەردی جەمسەران جارەکادی ھەیڤ ب چونا خو یا سروشتی دچیت . زانا دبێژن ئەگەر ئەڤ کریارە ھوسا نەبا عەرد وی دەمێ ھەیڤ نێزیک دبو دا ھەیڤێ کێشتە لایێ خو و ھینگێ دا ھەیڤ ھێت ب عەردی کەڤیت چونکە عەرد خودان راکێشانەکا ب ھێزە . زانا دبێژن ئەو تشتێ دبیتە ئەگەرێ نەمانا ھەیڤێ ئەوە کۆ رۆژ ژ ئەگەرێ تێک ھاتن و تێک چونا خۆ د ھەر چرکەکێ دا (٤) تەن و نیڤا ژ ووزا خۆ ئانکو (تاقە) ژ دەست ددەت دیسان بەرامبەر وێ عەرد ژی سالانە ب رێکا پەقینا ڤولکانا چەندەکێ ژ ووزا خو ژ دەست ددەت و دیسان د ھەر سەد سالا دا عەرد ئێک ژ ھزارێ ژ چرکەکێ، ژ زڤرینا خۆ ل دوور خۆ ژ دەست دەت، ھەر چەندە زۆرا کێمە ژی، بەلێ کارتێکرنێ ل ھەیڤێ دکەت، چونکۆ دڤێ ناڤبەرێ دا ھەیڤ چ ژ ووزا خۆ ژ دەست نادەت، چونکۆ ل دویڤ گوتنێن زانایان ھەیڤێ نە گەرماتی ھەیە و نە پێکھاتەکێ مەزنە کو بشێت خۆ راگریت ژ دەرڤەی راکێشانا عەردی و لەوما چ ژ ووزا خۆ بەرنادەت و یا پێدڤی بوو، ئەوژی ووزا خۆ کێم کەت، دا بیاڤێ دناڤبەرا ھەیڤێ و عەردی و ھەیڤ و روژێ دروست مابا، لەوما ئەو بیاڤێ دناڤبەرا عەردی و ھەیڤێ دا وەکی خو نامینیت و سالانە دبیتە ئەگەرێ وێ چەندێ کو ھەیڤ ٣ سەنتیمیتران ژ عەردی دویر بکەڤیت . زانا دبێژن ئەڤ دویر کەفتنە دێ یا بەردەوام بیت تا روژەک دھێت ھەیڤ ژ کەمەرا راکێشانا عەردی بچیتە دەرێ و بچیتە ناڤ راکێشانا روژێ و وێ گاڤێ روژ ب ساناھی دێ ھەیڤێ ب لایێ خو دا بەت و خوت ئەڤە دیماھیا ھەیڤێ یە. زانا دیار نەکریە کانێ کەنگی دێ ئەڤە چێ بیت، بەلێ چ گومانێ بۆ مرۆڤی ناھێلن کو دێ ھەر ئەڤ روژە ھێت. ئەگەر بێت و ئەم بەرێ خو ب دەینێ کانێ ھەیڤ چ شول لسەر عەردی دکەت، دێ گەلەک مفایێن وێ بینین ژبلی کو ب شەڤێ تیرۆژکێن روژێ دگەھنێ و بو مە دھنێریتە سەر عەردی و روناھیێ ددەتە مە ھەیڤ کریارا مەد و جەزرێ د دەریایێ دا تمام دکەت کو گەلەک مفا تێدا ھەنە، ئەگەر ھات و ھەیڤ نەما دەریایێن سەر رویێ عەردی وەکی خو نامینن و دێ رابن و ژ سنورێ خو ھێنە دەر و بیتە ئەگەرێ خەندقینا ب ملیونا خەلکی، چونکۆ ئەڤ دەریایە دێ ب سەر گەلەک باژێرێن مەدا گرن . مروڤێ شیای برێکا پێشکەفتنا زانستی گەلەک تشتا بزانیت . یا دروست ھەر ئەوە یا خودێ دزانیت . ئەڤە تشتەکێ غەریب نینە لبەر موسلمانا چونکە بەری ڤان زانا قورئانێ ب ١٤٠٠ سالا ئەڤ چەندە دیار کریە دەمێ دبێژیت . ) قال تعالی : (فَإِذَا بَرِقَ الْبَصَرُ. وَخَسَفَ الْقَمَرُ. وَجُمِعَ الشَّمْسُ وَالْقَمَرُ. يَقُولُ الإِنْسَانُ يَوْمَئِذٍ أَينَ الْمَفر) القیامە ٧ – ١٠ بەلێ ئەگەر ئەڤ ئێکە چێ بوو، ئەڤە دێ ئەو روژ بیت ئەوا دبێژنێ قیامەت . ژبیر ژی نەکەن ئێک ژ مەزترین نیشانێن قیامەتێ نەمانا ھەیڤێ یە د ئیسلامێ ئانکو دوماھی یە و ھەر زانست دبێژیت دەمێ ھەیڤ چو وی دەمی ئەرد ژی دێ بەروڤاژی زڤریت ئانکو روژ دێ ژ روژئاڤای ھێت و ئھا ئەڤە ئەوە دەمێ دەرگەھێ توبێ تێتە گرتن و ھەر ئیسلام دیارە دکەت ھاتنا روژێ ژ روژئاڤایڤە دوماھیا دونیایێ و قیامەتە و فەنابونە. خودێ چێتر دزانیت و مە ژ خێرا و دوعایێت خو بێ بار نەکەن و خودێ رەحمێ ب مە ھەمیان ببەت.

Leave A Reply