چاڤه‌رێیه‌ تیما یانه‌یا زاخۆ دێ كه‌مپه‌كێ راهێنانێ ل توركیایێ گرێده‌ت

1
وار، ته‌ها زاخویی

چاڤه‌رێیه‌ تیما یانه‌یا زاخۆ دێ كه‌مپه‌كێ راهێنانێ ل توركیایێ گرێده‌ت
چاڤه‌رێیه‌ تیما یانه‌یا زاخۆ دێ كه‌مپه‌كێ راهێنانێ ل توركیایێ گرێده‌ت

چاڤه‌رێیه‌ ل روژا شه‌مبییا بهێت (30/10/2010) تیما یانه‌یا زاخۆ یا ته‌پاپێی به‌ره‌ڤ وه‌لاتێ توركیایێ بكه‌ڤته‌ رێ ژبو دانانا كه‌مپێ خوه‌ یێ راهێنانێ وه‌كو خوه‌ به‌ر هه‌ڤكرنێ بو خولا ئیراقێ یا ته‌پاپێی بو یانه‌یێن پلا نایاب، كه‌مپێ یانه‌یا زاخۆ دێ بو ماوه‌یێ 10 روژان بیت، تێدا دێ سێ یاریێن هه‌ڤالینی ل باژارێ ئه‌نتالیا كه‌ت، سه‌عدی تۆما راهێنه‌رێ تیمێ لدۆر ڤی كه‌مپی بو به‌رپه‌رێ وه‌رزشی یێ وار گۆت: ژبه‌ر كو یاریگه‌هێن توركیایێ زور دباشن مه‌ڤیا ئه‌م ڤێ كه‌مپێ خوه‌ یێ به‌رهه‌ڤكرنێ ببه‌ینه‌ وێرێ، پێ نه‌ڤێت ئارمانجا مه‌ دێ ئه‌و بیت ئه‌م ئاستێ ته‌كنیكی و ته‌كتیكی یێن یاریكه‌رێن خوه‌ پێشبێخین، دیسان هه‌ردڤێ كه‌مپێ دا دێ هه‌ر دو یاریكه‌رێن رۆمانی جیریان بركیو یاریكه‌رێ یانه‌یا ئه‌یاش و ئیلیه‌ ئه‌دریان پشكداریێ دگه‌ل تیمێ كه‌ن، دگه‌ل هه‌ردۆ یاریكه‌رێن مه‌ یێن دی سالح جابر و ماریوس كو دێ گه‌هنه‌ كه‌مپێ تیمێ ل توركیایێ بو هه‌ردو یاریكه‌رێن نوو هاتین دێ بیته‌ تاقیكرن ئه‌گه‌ر دباش بوون، ئه‌م دێ شێین هه‌ڤبه‌ستێ دگه‌ل گرێده‌ین ژبو پشكداریێ دگه‌ل تیما یانێ د خولا ئیراقێ دا، شاندێ یانه‌یا زاخۆیێ پێك هاتیه‌ ژ 27 كه‌سان، ئه‌وژى جه‌بار سه‌یفه‌دین سه‌رۆكێ شاندی، سه‌عدی تۆما راهێنه‌ر، ئه‌مین یونس هاریكارێ راهێنه‌ری، ته‌ها عه‌بدولحه‌كیم ئاخفتنكه‌رێ بناڤێ یانێ هه‌یسه‌م خه‌لیل راهێنه‌رێ گولچییان، ئدریس سالح نوژدار، سه‌ربه‌ست عه‌لی و هه‌ژار مه‌عروف راگه‌هاندن، ئه‌رشه‌د عابد ئیداری، یاریكه‌ران (نور سه‌بری، مونعم فله‌یێح، ئه‌حمه‌د والی، عه‌لا عه‌بدولحه‌سێ‌ن، حسێن عه‌لا، نوزاد سلێمان، هه‌ردی سیامه‌ند، مه‌سرور رزوان، سه‌فوان عه‌بدولغه‌نی ، محه‌مه‌د هادی، رۆبرت قه‌یسه‌ر، حه‌مید ئیسماعیل، ئه‌میر سه‌باح، رێبه‌ر محه‌مه‌د، نێچیرڤان شوكری، به‌روژ جادر، عه‌لا كه‌له‌ف).

 

Discussion1 لێدوان

Leave A Reply