بارزانی کلیلا چاره‌سه‌ریا کێشه‌یێن پارچێن کوردستانێ

0
کاوار حه‌مید باڤی
کاوار حه‌مید باڤی
کوردپورتال: کاوار حه‌مید باڤی :
دابه‌شکرنا کوردان بۆ سه‌ر چوار پارچه‌یان ره‌نڤگه‌دان بـ دویف خۆ دا ئینان و بـ نه‌قه‌بولکرنا کوردان ژلایێ هه‌ر چوار ده‌وله‌تێن داگیرکه‌ر ڤه‌ بزاڤێن کوردان به‌رفرهـ بوون و هه‌تا گه‌هشتیه‌ شه‌رێ چه‌کداری و تا ئه‌ڤرۆ ژی پرسا کوردان مایه‌ هه‌لاویستی و بارزانی هه‌م وه‌کی پێگه‌یی خۆ یێ سیاسی و که‌سایه‌تی لـ ده‌ڤه‌رێ و هه‌م ژی وه‌کی پێگه‌یێ خۆ یێ بـ هێز لـ سه‌ر ئاستێ جیهانێ بوویه‌ پشته‌ڤان بۆ چاره‌سه‌ریا پرسا کوردان لـ چوار پارچه‌یێن کوردستانێ و ئه‌ڤرۆ بارزانی لـ هه‌ر چوار پارچه‌یێن کوردستانێ ژماره‌یه‌ د هاوکێشه‌یێن چاره‌سه‌رکرنا کێشه‌یا کوردان دا، چونکی بارزانی شیایه‌ بـ سیاسه‌تا خۆ یا حه‌کیمانه‌ خۆ بـ دۆژمنێن داگیرکه‌رێن کوردستانێ بده‌تن قه‌بولکرن و ئه‌ڤه‌ ژی نه‌ کاره‌ك ئاسانه‌ کو مرۆڤ بشێن خۆ بـ دوژمنێن خۆ بده‌ت قه‌بولکرن و سه‌ره‌ده‌ریێ د گه‌ل مرۆڤی دا بکه‌ن.
بارزانی هه‌رده‌م هه‌ولدان کرینه‌ بۆ باشترکرنا ره‌وشا کوردان لـ پارچه‌یێن دی یێن کوردستانێ و سه‌ره‌دان بۆ سوریا و تورکیا و ئیرانێ هه‌بووینه‌ بـ ئه‌ڤێ مه‌ره‌مێ به‌لێ پاش دامه‌زراندنا سه‌رۆکایه‌تیا کوردستانێ بارزانی وه‌کی سه‌رۆکێ کوردستانێ و د چارچوڤه‌یێ یاسایی دا شیا پتر رولێ خۆ وه‌کی که‌سایه‌تیه‌کێ سیاسی بگێریت و هه‌رده‌م بوویه‌ هێڤێنێ ئاشتیێ و هه‌ولێن مه‌زن داینه‌ دگه‌ل ده‌وله‌تا تورکیا تا ئاشتی گه‌هشتیه‌ قوناغا ئه‌ڤرۆ و ئه‌وا دوهی لـ سه‌ر ده‌ستێ سه‌رۆك بارزانی لـ ئامه‌دێ هاتیه‌کرن نه‌ تشته‌کێ بچوویك بوویه‌ ئه‌گه‌ر خواندنه‌کا دورست و سیاسی بۆ بهێته‌کرن و دیسان چه‌ندین جاران دگه‌ل پارت و لایه‌نێن سیاسی و که‌سایه‌تیێن رۆژئاڤایێ کوردستانێ ژی خرڤه‌بوویه‌ و بزاڤێن مه‌زن کرینه‌ بۆ لێکهه‌ڤکرنا کوردێن رۆژئاڤا و پێکئینانا ئه‌نجوومه‌نێ رۆژئاڤا، به‌لێ په‌یه‌دێ وه‌کی هێزه‌کا سیاسی لـ رۆژئاڤا ژ ئه‌وێ هێلێ لادا و تا گه‌هشتیه‌ ئه‌وی راده‌ی بـ خۆسه‌ری هه‌رێما کوردستانا رۆژئاڤا راگه‌هاندن بێ پشکداریا لایه‌نێن کوردی یێن سیاسی لـ رۆژئاڤایێ کوردستانێ و پاش ده‌مه‌کێ کورت ژ راگه‌هاندنا هه‌رێما رۆژئاڤا په‌یه‌ده‌ گه‌هشته‌ ئه‌وێ باوه‌ریێ دڤێت کوردستانا باشور پشته‌ڤانیێ لـ ئه‌وێ هه‌رێمێ بکه‌تن و بـ تایبه‌ت خۆدێ که‌سایه‌تیا سه‌رۆك بارزانی ژبه‌ر هندێ په‌یه‌ده‌ ئه‌ڤرۆ دخوازیت لـ بن چاڤدێریا سه‌رۆکایه‌تیا کوردستانێ دوماهیێ بـ کێشه‌یێن لـ رۆژئاڤا هه‌ین بینتن، و بـ هیڤی نه‌ سه‌رۆك بارزانی تاکه‌ که‌سه‌ دشێت ببیته‌ ئه‌گه‌رێ خرڤه‌بوونا لایه‌نێن سیاسی یێن کوردی لـ رۆژئاڤا لـ سه‌ر ئێك مێزه‌ و دوماهیکێ بـ کێشه‌یێن رۆژئاڤا بینیت یێن دناڤبه‌را لایه‌نێن سیاسی یێن کوردی دا و ئێك گۆتاریێ په‌یدا بکه‌تن.
زێده‌باری هندێ سه‌رۆك بارزانی هه‌رده‌م وه‌کی کلیلا چاره‌سه‌ریێ بوویه‌ بۆ چاره‌سه‌ریا کێشه‌یێن هه‌ر چوار پارچه‌یێن کوردستانێ سه‌رۆك بارزانی بوویه‌ کلیله‌ك بۆ چاره‌سه‌ریا کێشه‌یێن ده‌ڤه‌رێ ژی و ئه‌گه‌ر بـ هیمه‌تا سه‌رۆك بارزانی نه‌بووایه‌ ئه‌ڤ عیراقا ئه‌ڤرۆ دا گه‌له‌ك د باره‌کێ ئالوزتر دا بیت و باشورێ کوردستانێ ژی دا ره‌نگڤه‌دانێن خراب ژ ئه‌نجامێ ئه‌وان ئالوزیان بخۆڤه‌ بینتن و مه‌ هه‌میان لـ بیر دهێت پشتی هه‌لبژارتنێن په‌رله‌مانێ عیراقێ هاتینه‌کرن بۆ ماوه‌یێ چه‌ند هه‌یڤه‌کان هێزێن سیاسی و سه‌رکه‌فتی یێن عیراقێ نه‌شیان حکومه‌تا عیراقێ پێك بینن و عیراق که‌فته‌ د قه‌یرانه‌کا سیاسی یا ئالوز دا و مه‌ترسیێن گه‌له‌ك دژوار لسه‌ر عیراقێ هه‌بوون و پێشبینیا ده‌ستپێکرنا شه‌ره‌کێ تایفی دهاته‌کرن و جار ژی هزر لـ دووباره‌کرنا هه‌لبژارتنان دهاته‌کرن و بـ ئه‌نجامێن هه‌ردوویان دا گرفتێت مه‌زن بدویف خۆ دا هینت، به‌لێ سه‌رۆك بارزانی بـ ده‌ستپێشخه‌ریه‌کێ شیا هه‌می لایه‌نێن سیاسی لـ سه‌ر ئێك مێزه‌یا گفتوگویێ لـ هه‌ولێرێ خرڤه‌کرن و ژ ئه‌نجامێ ئه‌وێ خرڤه‌بوونێ رێکه‌فتنا هه‌ولێرێ هاته‌ ئیمزاکرن و لـ دویف ئه‌وێ رێکه‌فتنێ حکومه‌تا عیراقێ هاته‌ پێك ئینان و گه‌له‌ك جاران ژی که‌س ژ مه‌ نینه‌ چ نموونه‌ لـ بیرا وی نه‌ ژ سه‌رکرده‌یێن عیراقی لـ ده‌مێ ته‌نگاڤیان وه‌کی ئه‌یاد عه‌لاوی و سالح موتله‌ك و …گه‌له‌کێن دی هه‌وارا خۆ نه‌گه‌هاندبیته‌ سه‌رۆك بارزانی و ئه‌ڤه ژی ڤه‌ دگه‌ریت بۆ پێگه‌یێ وی یێ بهێز لـ عیراقێ و ده‌ڤه‌رێ.

Leave A Reply