Odierno: Amerîka Dixwaze Peyvendiyên Xwe Yên Bi Kurdistanê Re Bihêztir Bike

SATURDAY, 10 JULY 2010 22:16

Nivîskar Administrator

Îro Serokê Kurdistanê Birêz Mesûd Barzanî pêşwaziya fermandarê Hêzên Amerîkayê yên li Îraqê Jeneral Oderno kir.
Di destpêka hevdîtinê de serdana Cîgirê Serokê Amerîkayê ya ji bo Îraqê û peyvendiya vî ya telefûnî a bi Serok Barzanî re jî hatên nîqaşkirin.
Di berdewamiya hevdîtina han de Serokê Kurdistanê bi kurtî behsa serdana xwe ya ji bo welatên Ewropî û welatên Erebî kir û di berbarê helwêsta Misir û Ordonê ya li hember Kurdistanê de Serok Barzanî diyar kir ku, evê dixwazin ku, peyvendiyên xwe bi Kurdistanê re bihêz bikin lewre biryar dane ku, li Hewlêrê Konsuslusxaneyên xwe vebikin.
Her weha Serok Barzanî anî ziman ku, Kurdistan girîngî dide ev biryara han û hewl dide ku, peyvendiyên xwe bi Cîhana Erebî re bihêztir bike.
Serok Barzanî di derbarê serdana xwe ya ji bo Tirkiyeyê jî eşkere kir ku, li Tirkiyeyê de gweerîneke sereke heye û ev jî dixwazin peyvendiyên xwenî abûrîû bazirganî bi Kurdistanê re bihêztir bikin, Serok Barzanî wisa axaftinên xwe domand: Em jî dixwazin peyvendiyên xwe yên bi Tirkiyeyê re bihêz bikin û ev pêngavên ku heta niha ji aliyê Tirkiyeyê ve hatêne avêtin me keyfxweş dikin.
Di beşeke din ya hevdîtina han de rewşa siyasî ya Îraqê û lêv û tevgerên heyî yên ji bo damezrandina Hikûmeta nû ya Îraqê jî hatên şopandin û her dû alî tekez li ser damezrandina Hikûmeteke şeraketî ku bikarêbe tevahiya aliyên Îraqê hembêz bike kirin.
Di dawiya hevdîtina han de, peyvendiyên heyî yên di navbera Kurdistan û Amerîkayê de jî hatên nîqaşkirin û di vê derbarê de Oderno diyar kir ku, Amerîka gelek girîngî dide peyvendiyên xwe yên bi Kurdistanê re lewre hewl dide ku, ev peyvendiyên han hîn bihêztir bike.